CH2009

產婦坐月飲食重點

(1) 增加餐次：每日餐次應較一般人多，以5至6次為宜。這是因為餐次增多有利於食物消化吸收，保證充足的營養。產後腸胃功能減弱，蠕動減慢，如一次良過多及過飽，反而增加腸胃負擔，從而減弱腸胃功能。如採用多餐制則有利胃腸功能恢復，減輕腸負擔。

(2) 每餐食物應乾稀配搭：乾者可保證營養的供給，稀者則可提供夠的水份，乳母哺乳則需要水來補充，從而有利於乳汁的分泌。

(3) 應蔬菜及肉類配搭：不同的食物所含的營養成份種類及數量不同，而人體需要的營養則是多方面的，過於偏食會導致芋一些營養素缺乏。一般的習慣是，坐月時間裡鼓勵吃雞、魚、蛋，而忽略了其他食物的攝入，產婦應避免偏食，多吃蔬菜生果、高蛋白質食物(如蛋、豆腐、奶品)、補血食品(如豬肝、豬肉、牛肉、雞肉)等。

(4) 清淡適宜：坐月期間的飲食應清淡適宜，即在調味料上(如蔥、薑、蒜、椒、辣、酒等)應少於一般人的量，但並不是不於或過少的放。其實各種的調味料除能增加胃口，促進食慾外，對產婦身體健康亦是有利的。

(5) 烹調食物時加入少量蔥、薑、椒或酒的偏溫味食物，則有助活血排瘀。

(6) 產婦在坐月期間不直進食肥膩難消化的食物外，寒涼生冷的食物也不宜進食(如：生菜、白菜、芥菜、蘿蔔、香蕉、雪梨、西瓜、冬瓜、青瓜、綠豆及芽菜等)，雪凍的食物也必須先解凍，再次溫熱之後才可以進食。

CH2009

產後調補湯水推介

1. 人參當歸煲烏雞
    材料 ： 烏骨雞一隻、人參15克、當歸10克、紅棗10枚。
    製法 ： 烏雞宰好去毛及內臟，人參、當歸、紅(去核)，分別洗淨。
            先將烏雞放入鍋內，加水適量，武火煮至雞熟，去骨，再放入人參、
            當歸再文火煮40分鐘，加鹽調味即可供飲用。
    功效 ： 益氣生血、溫中補虛，補精添髓，強身健體，症見面色蒼白或萎黃，頭暈眼花，四肢倦怠，氣短懶言，心悸怔忡，食慾減退等均有治療
            和補益作用。

2. 花生章魚湯
    材料 ： 章魚100克、花生60克、?肉250克、糯米酒100克
    製法 ： 烏將章魚洗乾淨，用清水浸軟；花生洗淨，?肉洗淨切小塊。把全部材料一同放入鍋內，加水適量，武火煮沸後，文火煮2小時，調味即可。飲湯時再加入糯米酒，隨意飲用。
功效 ： 補脾和胃，養血通乳。本湯含豐富蛋白質，脂肪，鈣等，母嬰必需營養物質的湯品。

[ 本帖最后由 CH2009 于 2009-4-18 14:28 编辑 ]

CH2009

3. 杜仲腰花木耳湯
    材料 ： 章杜仲12克、豬腰2隻、黑木耳24克、紅棗10枚、薑3片、紹酒少許
    製法 ： 杜仲、紅棗(去核)、薑(去皮)、黑木耳先浸發，豬 (開邊)，將全部材料分別洗淨，一同放入鍋內，加水適量，武火煮沸後改文火煲1小時，再放入豬腰、紹酒，待豬腰熟即可加鹽調味供用。
    功效 ： 補肝腎，固腎腰。補血，活血。

4. 通草鯽魚湯
    材料 ： 通草2錢，鯽魚1條，果皮1件，5碗水同煲
    製法 : 將通草洗淨，鯽魚用少許油煎香，水滾後放材料及水一同煲，約2              小時，即可供用
    功效 ： 補氣養血，通乳汁

[ 本帖最后由 CH2009 于 2009-4-18 14:28 编辑 ]

CH2009

*產婦應按自己的身體狀況選擇調補的湯水，請諮詢閣下的中醫師。
炒米茶比開水有益有米氣落肚，可以暖胃，好好多架。生完就飲得架啦。
查實做法好簡單架咋：—
將 d 乾米用白鑊炒到佢黃色，可以一次炒多 d 放入個玻璃樽度存放都得。
每次飲時都可以用個煲仔放一手份量既炒米，加一片薑，再加水(濃淡隨意)，滾左就可以倒入暖壺度口喝囉黎就得架了。 其實都可以飲水，但唔好飲得太多就唔大問題。
另外，可以隨意加 d 紅棗(十二朝前唔好太多粒)、龍眼乾(即桂圓肉)、杞子、黨參(十二朝後)一齊煲黎飲都得架。

… … … … … … …
至於生水 (指無煲滾既水) 就真係盡人事都可免則免了，咁平時抹面洗手咁點呢？係可以用薑水架 (刷牙除外！哈~)。
做法亦係非常簡單：—
只須拍扁几舊大薑，放入一大盆水度煲滾就得架啦！
可以攤凍放入廁所度作平時抹手抹面用，唔洗擔心話凍既有冇問題，你試過就知好奇妙架啦，凍既薑水用完都會興合合架！哈哈哈哈哈~~~

CH2009

而食 d 咩，最緊要均衡，但涼性既瓜果菜都少食好 d。
煮時就反而要注意：—
1. 作法為蒸、燉、烚最好，清淡得黎亦可保原汁原味。
2. 用麻油代替普通油，極少用鹽，糖用紅糖(即食豆腐花時加果 d 糖)，同埋薑黎調味。其他既盡量唔好用了。
3. 肉類為瘦肉、無肥膏既豬肉、雞肉、魚肉 (桂花、鱸魚、鯇魚都 ok)，但牛肉就最好到第三個星期後先好食了。

十二朝前：—
~ 最緊要清淡，可以煮黑木耳 (或普通木耳都 ok)，可以幫助排清惡露。用黎一齊蒸豬肉、雞肉等都得。
~ 薑同紅棗都可以用，但唔好用太多，十二朝後先慢慢加份量。
查實如大家有睇孕媽媽呢本雜誌既話應該會知道的。

其實 "五更飯" 即係以前既早飯，係清晨時份 (即第五更-5~7點) 所食既飯而已。
以前無錢買補品補身，但一起身食到碗飯係可以增強氣力、幫助身體吸收營養，可補中氣的。

用料真係好平民化架，但奇在可以好補身！同食隻雞既效用可比美！
材料：蛋、薑茸、豬肉，頭2個星期可另加入木耳。
煮飯同一般煲飯既方法就得，仲意既加麻油炒佢 2 炒又得！
材料既份量因應個人須要而自行調較。

最主要係一起身後食到呢碗飯，就既可補身又可補氣。
至於減肥呢個問題…… 留到坐完月打好個身體机能後先再唸囉！呵呵呵呵~~~~

CH2009

而 "紅糖粥" 同 "桂圓粥" 又點做呢？
製法非常簡單：—
紅糖粥》
紅糖 = 食豆腐花時所落既糖，有活血祛瘀既作用，所以產後 頭 2 個星期食用就最岩不過。
只須好似平時咁煲白米粥，滾後加入紅糖拌勻就 ok 了。

桂圓粥》
將桂圓(即龍眼乾)與白米同煲成粥即可！

至於黑豆飯又點做呢？
黑豆於白鑊中炒至豆皮稍為爆裂時贊下清水，煮15分鐘後撈起於白米一同煲熟即可。唔須要額外去皮的。

1. 你係可以用薑皮黎煲水用架，但一手執薑就未必夠一日用了，似乎淡左少少丫，起碼都要 2~3手執既份量就差唔多。同埋建意你將 d 薑皮放入湯袋後先煲，否則煲完你都要花 d 工夫先囉到 d 水黎用唷~~哈哈哈
你用薑皮煲水確實係物盡其用，但相比之下當然拍扁几舊大薑黎煲水會方便 d 丫。
2. 你用咩器皿黎裝水沖身都無咩所謂，用盆沖 d 薑就會見洗 d，哈~  好似以前 d 人咁用個 "不" 黎淋身同用毛巾黎洗刷皮膚就 ok 架了。
同埋如你個浴缸係白色，我相信你沖左几次後就會發覺個浴缸會變左黃黃地色架啦！哈！@.@~

CH2009

小靈靈：
1.糯米酒做法唔太難，但造酒時既步驟反而要注意既野就好多！同埋須時起碼要 4個月至半年以上，所以亦都唔易。
而我份資料內所用既係黑糯米酒黎，係超市都買得到架了。
2. 而黑糯米酒既作用係可以益氣補血，都係會行血架，所以十二朝前主要用黎調味，去到惡露去淨後就可以直接飲少少黎補身。另外做雞酒都係好好架，同埋唔洗一定要坐月先飲得，往後我地 "m" 黎完都可以飲少少黎補補身補補血都唔錯架！

… … … … …
1. 餵人奶係可以飲雞酒糯米酒等既酒類架，不過就最好安排係食完 bb 後先飲，同埋相隔下一餐飲奶既時間最好要 3~4個鐘左右。但亦須要留意BB的反應，如面紅紅、面出粒粒、大便有沒有困難等，咁就要減少飲用既份量或停一停啦。
2. 坐月飲波打酒我都聽過，因我呀麻都有同我講過下~ 哈~
波打酒都有補血既作用架，不過酒精成份就高 d 同有氣，同埋多數都係凍飲，唔凍既真係好鬼難飲架！哈~~~

紅米一樣可以炒黎飲用，但味道如何我就未試過。纖維質同營養價值比白米仲高 d 忝，相信係可以減少便秘既問題。

想問下頭5日, 如果開刀or順產, 係e院係米可以飲燉雞汁(一隻雞咩都唔落, 出水, 燉4個鐘, 燉出一碗雞汁)?
係絕對可以架，你呢種叫清燉雞，如果開刀生，頭果十几朝都唔可以點補既情況下，係可以飲日日飲架。一時白雞、一時烏雞都可以。順產更加無問題，過頭几日後，慢慢加 d 桂圓或紅棗 (數粒)或沙參都可以架~

清燉桂圓烏雞湯....洗唔洗落果皮? 一隻雞一次過燉幾多碗水or分開幾次燉?
可以唔洗，但開刀媽咪可以加一角果皮。燉几多水就好彈性既，事乎你個燉盅有几大，你又想飲几多咁丫。但唔須要分開几次燉既，因反正都無人同你爭架了 (哈~)，你咪一次燉 2 大碗既份量，中午飲完留一半到夜晚蒸返熱黎飲囉。

煮雞飯落 d乾"遙柱"+ 果皮, ok?
絕對可以架！

噤係米食多d麻油炒飯好過就噤食白飯架?
2 種比較之下加左麻油既飯係會有益過淨白飯丫。

麻油薑茸炒飯....但係頭5日係米唔好落太多薑呀?
如果開刀，就唔好落薑就落少少果皮，直至十二朝後先慢慢由少少薑茸咁加上去。但順產既查實就可以，不過都係由少少當調味咁，後再慢慢加份量。

CH2009

請問坐月時可否食燕窩,順產或開刀有無分別?
------------------------------------------------
順產係除時都可以食燕窩架。
但開刀則建意最少過左產後 2 星期後先好開始食。
因燕窩蛋白質好高，情況會同食左生魚一樣，會令傷口埋得過好而變成長出肉芽，埋得唔靚架。
一般表面傷口癒合須時 2 個星期，但計埋裡面傷口大概都要 2 個月先完全埋晒口架！所以都要事乎你既傷口癒合情況而定。



請問順產飲生化湯而唔食醫院的收子宮藥好唔好呢?  因為我對西藥好反感~ 你有咩意見嗎?
------------------------------------------------
請問你係開刀定係順產丫？
因個分別會好大架。
生化湯佢係由好几種行血、活血、補血等既藥材黎製成，係台灣係好盛行係產後7~10內飲用 (無論順產定開刀)，作用係產後補血、養血化瘀去惡露。

但係西醫角度黎睇，開刀後既傷口頗大同複雜，係產後大概 2 星期時間內，係唔建意進食過份行血食物，以免傷口唔埋口兼流血不止(因行血嘛)。

而子宮收縮既藥係咪一定要食呢？
吾… 我唸事乎你既子宮收縮產後既情況好壞，醫生會開比你與否了，但我見唔係間間醫院都有比架。

查實有係仲有 d 產後既子宮按摩同運動可以做，都有幫助架，唔定要食藥或飲生化湯。

當然，我現大概講解一下後你可以慢慢再唸睇下岩唔岩你丫。

[ 本帖最后由 CH2009 于 2009-4-18 14:43 编辑 ]

544308849

好贴

CH2009

坐月期間(產後至產後一個月)︰
薑醋對產婦的好處
產婦產後即時可以飲用薑醋。薑醋對產婦身體早日康復,尤其是對內生殖器官的復原極有幫助。薑醋有袪風散寒、活血去瘀、幫助子宮收縮的作用；豬腳含有大量鈣質,而薑醋可以將之軟化、有助產婦補充失去的鈣質。而雞蛋含有八種人體必需的氨基酸，多種礦物質和維他命等多種成分，對產婦身體補益大有好處。

產後補鈣　菜心最強
生BB恍如身體重組，大傷元氣後要調養好身子，盡快回復元氣。在中醫角度，坐月只宜調理身體，進補宜在坐月後；營養師則建議產後要吸收鈣、蛋白質、維他命C等。原來，產後補養可以很簡單，三碗多的菜心已夠一日的鈣質吸收量；調理身體，絕對不麻煩。

產後的媽媽不難發覺自己的骨骼會起變化，最明顯是牙齒健康變差。因BB骨骼發展全靠從媽媽身體抽取，故無論孕期或產後都應補充鈣質，否則日後容易患上骨質疏鬆症。據米施洛營養護康中心註冊營養師Carman指出，產後每日需吸收1,300毫克的鈣，比一般婦女每日需要1,000毫克多出300毫克。三碗多的菜心已能提供一日所需的鈣含量，補鈣好easy！

維他命C是可以幫助媽媽的傷口盡快癒合，也能令疤痕不太明顯。建議媽媽每日補充120毫克的維他命C便足夠，這是最簡單不過，因為每天兩個中型生果已等同此份量，例如橙，每個含70毫克維他命C，每天吃兩個便很足夠。其他如番茄、西柚、奇異果都可以。

坐月宜調理
在中醫角度，生產後是女性最佳的調理時機。若能趁這段時間調理得宜，身體可以好過「做女 陣」。但在坐月時，由於體內瘀血未除，惡露未清，所以滋補營養尚未能吸收，所以產後，媽媽宜先去惡露，去血瘀，並需要補氣，所需材料非常簡單，中醫師譚莉英說：「白背木耳有活血、祛瘀、通絡、消脂、降壓、潤腸、防止動脈硬化及有助排除瘀血之效；北沙參可以潤肺、補氣，幫助媽媽減少產後出汗、易累及容易嗦氣等問題，媽媽皮膚會潤澤一點，傷口自然快癒合，又不會痕，肚皮紋也會減少；若不補氣，媽媽容易 涼，甚至會影響餵人奶。」

另外，黑色的食物有助補腎，「肝腎乃女士先天之本，主管泌尿及生殖器官，助人體造氣造血，白背木耳、烏雞均屬黑色食物，可助補腎。」這些材料，都不是甚麼矜貴物品，就以譚醫師建議的白背木耳紅棗茶，材料都不過是$10，補身都可以很便宜。

調理療方
紅棗、白背木耳、北沙參、烏雞，各有調理功效，可自由組合出不同的食療，四種材料一起煲湯也可，以下是譚醫師建議的療方。
1.材料：白背木耳1 、去核紅棗15錢
做法：白背木耳浸水發30分鐘後，清洗乾淨及撕碎，與紅棗一同加6碗水同煮，水滾後收慢火再煮1小時便可。喜歡稍甜的，可加小量冰糖調味。
功效：去惡露、活血、化瘀、消脂、補血。

2.材料：烏雞1隻、北沙參（5 烏雞對1 北沙參）
做法：加七碗水與材料同煲，水滾後以慢火煲2個半小時便可。
功效：補腎、助造氣造血、補氣、潤肺。

懷孕期間胎兒從母體直接吸取蛋白質，如媽媽不進行補充，媽媽可能會遇到頭髮脫落、皮膚差、指甲變差的現象；而且，多吸收蛋白質，有助順產或是開刀生產的傷口癒合。產後媽媽每天需吸收60克蛋白質，基本上，每6 的肉，便有42克蛋白質。但Carman就建議，最好吃優質的肉，「新鮮的肉比精製的肉好，即是鮮豬肉、鮮牛肉、鮮雞肉比牛丸、魚蛋、蟹柳好，因為新鮮的肉含優質蛋白質，較易吸收。若是餵人奶，更加要吸收優質蛋白質，讓奶量增多。」為免過肥，媽媽宜選瘦肉；燉燕窩都宜落脫脂奶，不宜加冰糖。

不能吃咖喱飲可樂
為了BB健康，很多媽媽都願意為BB餵人奶，餵人奶的媽媽，每天只須多吸收330卡路里便足夠。而這330卡路里，就等於一隻雞蛋和兩片麥包，或是一個豬仔包和一片芝士，所以，為免影響收身，不要吃得過量。而Carman提醒各位媽媽：「有些媽媽會在產後飲雞酒，但餵人奶的媽媽絕不能飲，因為BB會喝醉，又會影響BB腦部發育；咖啡、奶茶、可樂都含咖啡因，而咖喱會影響人奶的味道，媽媽同樣不能進食。反而，媽媽要大量補充水份，尤其在夏天炎熱季節。」

坐月補元氣
健康軒  2007-07-25 13:20
中醫向有“醫食同源，藥食同宗”的說法，尤其在坐月子期間女性調養身體，飲食更是佔了極為重要的部份。

華裔婦女特別注重坐月子，所以有些人認為應吃得越多越補。其實，無論任何時候，人們的膳食都要講求營養平衡，如果每天大量進食高蛋白食品，會加重胃腸道負擔，並影響其他營養物質的攝入，使合理營養失去平衡。

此外，民間還流傳了各自一套說法，如“坐月子時要多吃少動”、“不能吃蔬菜水果”等。姑且不論這些說法是否合理，但由此可見，人們確實很重視“坐月子”這一環。

用一個月補回耗損精力
來自香港的麥鍾文中醫師主張“不能太補，也不能太寒”，飲食要均衡。他表示，產後太補，會使到肌肉增生而導致肥胖。所以他建議要分開進補：把食物的種類分開，並且分成數天進食，每天吃單一種類，不要混合進補；量也要好好控制，以免影響健康，因為坐月子期間的食量會比較大，不管怎麼吃都覺得不飽，因而容易導致過量。

CH2009

小子轩妈妈  超详细广州口味姜醋做法(原创)http://www.gzmama.com/viewthread ... p%3Bfilter%3Ddigest

新宝新期待

好贴，收藏了，谢谢！

心跳的旋律

好帖～

ymm

好贴，收起来。

tigerbobo11

好,收藏!多谢LZ

懿懿妈咪

多谢lz，好帖

miumiu的塔宝宝

学习了，多谢LZ

月泪儿

先收藏

xiao5137

好贴！支持一下。