go 回复: 53 | 浏览: 20526 |倒序浏览 | 字体: tT
手机看此贴
  • 微信扫一扫 手机看此贴
  • 好内容 随时分享到朋友圈

[装修日记]

60平方小两房的装修过程

 
我唔听话

高 一

Rank: 14Rank: 14Rank: 14Rank: 14Rank: 14

帖子
215 
经验值
1502  
注册时间
2009-3-31 
BB生日
2013-12-29
    • 妈妈网轻聊
      给生活加点料

    • 妈妈网孕育
      就是好用

      holdImg
    • 广州妈妈网
      广州妈妈网,更懂广州妈妈

      广州妈妈网二维码
本帖最后由 nicole133191213 于 2012-10-9 15:31 编辑

话说上一次买楼已经是5年前,果阵同当时既男朋友(宜家既老公)系罗冲围果边买左间一房一厅,后米结婚后一直想换屋,一来感觉太远,果边交通唔方便,附近既生活配套亦一般,而且一房到时有小朋友亦都唔够住,所以同老公都一直计划要换间两房既,无奈楼价每年节节升高,我地有限既预算内真是好难可以睇到岩心水既两房
直到今年4月,终于睇岩宜家哩间,间隔算方正,老公好满意(其实当时我都犹豫不决,因为房产证未够5年,税费好贵啊),但老公话再唔出手估计楼价又要升拉,到时我地可能连一房一厅都买唔到,而且要稳间低楼层(我地宜家买既是楼梯楼,4楼,3楼先是平台),隔间又可以既,真是好难,系老公既不断洗脑下,我终于屈服,好拉,死就死,为左我既两房梦,我拼了!可惜业主是香港人,未可以马上翻黎办手续,我地比左订金,同代理人签左合同,算是定左落黎,跟住我就马上开始我既装修计划拉~~~
首先冧到既当然是万能既妈网,马上翻屋企日以继夜甘学习,经常睇到我头晕晕啊~~经过不断学习,终于都对装修有个大概了解,中途间屋办理手续亦都出现唔少问题,还好都一一解决左,最后搞到7月底先收楼,马上就要稳装修师傅打价,要赶系农历7月前动工拉~~~
经过漫长既隔价,层层既筛选,终于确定稳左蒋工帮我负责屋企既装修,主要原因是感觉蒋工报左既价钱比较合理(当然唔是最低),而且同距沟通感觉距为人亦比较随和,不会太计较,最后亦是最重要既手工,就要等装修后先可以知道拉,希望都可以过关拉,定左8月7号开始动工拆旧,蒋工,未来两个月,我既新家就靠你拉~~~
先黎上几张新屋既原始图先拉,全部都要重新整过啊可以预计未来两个月我既荷包一定会大出血啊
152519on7zp8kd8y8dosdh.jpg
阳台位置望客厅
1527367067q7yzbef77f86.jpg
大房
152803q2qfq3e1232gafmb.jpg
细房
152853pdkyjyxcklkytykt.jpg
系阳台、大房、细房望出去既小区



点评

新居网尚品宅配  期待图片哦!8月开始拆旧,现在已经装修好了没?  发表于 2012-10-9 15:34
我唔听话

高 一

Rank: 14Rank: 14Rank: 14Rank: 14Rank: 14

帖子
215 
经验值
1502  
注册时间
2009-3-31 
BB生日
2013-12-29
本帖最后由 nicole133191213 于 2012-10-9 18:06 编辑

8月7号,选好日子,装修正式开始拉,首先要黎个大拆旧先,所有地面、厨房、洗手间都要拆,而且客厅既宽度得两米九,放左我既芝华士梳发变得离电视太近拉,唔得、唔得,我要将距变阔D啊,唯一办法就是将电视墙拆左向后40公分再起,将哩40公分做电视柜吧,还好电视墙后边岩好是洗手间,唯有牺牲我洗手间既位置变阔客厅既距离拉
照例上几张拆旧既图片拉,期待距既华丽变身啊
155937e5iz7aj75y0mhaaj.jpg
大房好快就拆晒地砖拉
160035i5ll99m55hghhv65.jpg
话都无甘快厨房同洗手间就拆净得翻个门框拉
155632sz9tss29unwhamyz.jpg
师傅好认真啊
话说拆旧开始,就要定地砖、门,为左订地砖,广州大大小小既卖场基本都比我走左一转,之前听讲话佛山地砖平,就打算同老公过去睇下,点知我阿爸阿妈知道后难得灰常热情甘话想跟埋我地去睇下,好吧,带上两老一家4口浩浩荡荡甘去佛山出发
去到佛山先发现哩度真是地大物博啊~~~已经唔可以用瓷砖一条街形容啊,简直就是瓷砖一座城,大大小小买瓷砖既店铺,仲有好多十大瓷砖品牌既展厅,哩都真是应有尽有,可能由于哩度租金平,好多牌子系哩度都有好大既展厅,基本上瓷砖既花款都可以摆晒出黎,可以慢慢拣
之前系BAI度了解过一下瓷砖既品牌,妈网上都有好多贴对比过各大牌子瓷砖既优缺,但是自己心中都是未有底啊,唔知到底边个牌子好D,所以今次去只是漫无目的甘睇,打算先初步了解一下。
天公作美,太阳公公今日真是好给力,全程暴晒,首先我地去左一D唔知名既店铺睇左下,发现哩度真是比系广州买既平,相比大家都唔是咩大牌子,60*60既地砖佛山最平几蚊就有交易,就连80*80既都是十几蚊就得,但是好多店铺一般听到是广州都是唔包送货,要自己请车,甘问题就黎拉,请部车翻广州基本都要300左右,如果普通家庭两房单位,其实用唔到几多砖,如果要打翻运费上去,大家就要计一下有无数为拉。
我虽然未冧好自己想买咩牌子,不过就应该唔会考虑杂牌,因为个人认为砖既硬度同耐磨度都好重要,硬度唔够到时不出两三年地面就会开始花,而我个人观点装一次修基本10年8年内都唔想再搞(经过今次装修之后,我是想以后都唔好再搞),所以我一定要对地砖既要求是一定要硬度够、耐磨,所以都是打算买一D比较有知名度既牌子,甘相对会有D保证。所以行左几间店铺,了解左一下,就打算去一D牌子既展厅睇睇。
开车沿路走,继续暴晒,见到有间博华既展厅,心冧先睇下吧,叫老公停好车,我带住两老一马当先行左入去,睇左一下地砖同瓷片既花纹颜色,问左一下大概可以去到既折扣优惠。同自己讲睇定D唔使急,叫上三老(中途老爸老妈同老公好舒服甘坐左系人地个大厅度凉空调)冧住向下一间进发,点知一出到黎我老爸见到太阳公公对距笑晒口,马上就话:“好热啊~~~”,我妈马上接口问:“仲要睇几耐?”我话未有甘快啊,宜家先岩开始,老爸一听我甘讲,块面马上垮左,弱弱甘同我讲左一句:“天气真是好热啊,我地想翻屋企啊~”我:“.................”我都知道带住距两个唔可以长征架拉,但我真是无冧过连两间都睇唔到v67,无办法拉,鬼叫我要尊老爱幼咩所以只可以再次浩浩荡荡甘打道回府拉,我既佛山之旅,注定未开始就要结束了........
不过后米翻到屋企同老公商量过,觉得去佛山买砖都唔是太实际,第一:我地果间唔是豪宅,要用既地砖瓷片对于人地商家黎讲是有限公司,价钱上唔会平好多比我地。第二:一般都唔包送货到广州,一般都要自己请车,甘样成本又增加左。第三:一般买地砖好难话可以买到岩岩够数,除非预多,如果岩好,到时唔够要补就会好麻烦(哩个是最主要既一点啊,我后米就是遇到哩个问题拉),所以最后我地都是决定系广州买算拉,起码唔使浪费油费啊。


我唔听话

高 一

Rank: 14Rank: 14Rank: 14Rank: 14Rank: 14

帖子
215 
经验值
1502  
注册时间
2009-3-31 
BB生日
2013-12-29
本帖最后由 nicole133191213 于 2012-10-13 00:48 编辑

几日无上黎妈网,睇到连我亲爱的老公仔都上黎妈网支持我(哩两日仲是甘问我有无更新),所以我决定唔好辜负老公大人对我既支持(虽然今日比装橱柜既激个半死),今晚点都要更新一下我既呕心沥血装修过程了
话说上次讲到同三老去左一转佛山运吉之后,我地决定都是系广州买砖算拉。冧住甘可以少D脚骨力行少D,点知我可恶既执着凡事追求完美既性格又大行其道,为左买到心仪既地砖,我每日顶住酷热既天气,穿梭于广州大大少少既装饰市场,由于对自己想买咩牌子既地砖完全无概念,我只可以见到凡是网上评价比较好既牌子我都走去睇下,但唔知是米由于我我个人要求太高,系卖场我睇极都稳唔到自己一眼就中意既款,所以我只好不断甘睇,哩个牌子哩间既款唔岩但唔代表下个卖场既唔岩,(因为就算同一个牌子,系各卖场既款都不尽相同,毕竟卖场地方有限,所以好多牌子只可以一个卖场放一部分既款),平时就自己去睇,到老公休息就拉埋距去睇,所以老公成日埋怨距觉得休息仲辛苦过返工,无办法拉,装修本来就是对体力、智力、意志力及财力的巨大考验,为左我既安乐窝,我地要加油拉

我唔听话

高 一

Rank: 14Rank: 14Rank: 14Rank: 14Rank: 14

帖子
215 
经验值
1502  
注册时间
2009-3-31 
BB生日
2013-12-29
本帖最后由 nicole133191213 于 2012-11-14 04:35 编辑

好多日无上黎妈网更新了,话说屋企既硬装已经大致完工,装修队已经撤场了,最近一直忙住搞卫生,收拾行装准备搬家,所以一直都未有时间更新,岩好今日是11月14,对于我黎讲是一个好有意义既日子,因为两年前既今日,我迈向左人生既新一页,成为人妻,两年后既今日,我地既新家亦终于装修完毕,系甘有意义既日子,就小更新一下作为纪念吧

上次讲到为买新家既地砖,我地跑左好几个地方,就算同一个牌子都睇左好几间铺,功夫不负有心人,终于都比我地买到一只满意既地砖同瓷片,虽然价格上比起厂家打搞促销活动既时候唔算太大优势,但个人认为还算可以接受,毕竟厂家并唔是经常搞活动啊,当然唔可以成日拿最低价格去比较拉(我既自我安慰能力真是强啊)

买好瓷砖,成日觉得已经完成左最大既工程,其他既野成日都觉得唔需要既甘快,仲有时间,可以慢慢睇,谁知道我甘既想法真是大错特错拉,其实由一开始装修蒋工就已经叫我地睇定门同地砖,当时我仲心冧,地砖是应该是睇拉,但是门使唔使甘早啊??所以我一直都懒懒闲,唔上心,总觉得门应该好快手就可以做好,特别是我订大门既时候,我问老细大约要几耐可以有货,距话有现货,两三日就可以拉,搞到我更加肯定,所以搞到房门迟迟未订,大家可能觉得好奇怪,点解我订左大门,房门唔一齐订埋距,其实我都想啊,可惜我订大门既果间店就是做大门既,没做房门,所以我房门只可以自己再睇,而我又一直都唔知原来做房门是需要甘长时间,所以一直都拖住,就是想等埋老公休息先一齐去睇,搞搞下,就甘就比我拖左成20日,直到屋企已经做好水电,师傅开始铺地砖既时候,蒋工问我订左门未,话师傅一铺完地砖我就可以装门,我先急急忙去订,之前已经了解过门既材料,一般有钢门、PVC、实木颗粒、再黎就是直接实木,我是打算订实木颗粒果种,马上去一间之前都睇过既店铺去订,点知一订先知,原来实木颗粒既房门要20-25日既做货时间,据闻话越靓材料既门就越耐天啊~~~~要甘耐咩???之前蒋工已经同我讲左话我屋企既地砖加瓷砖大约就是铺10日左右就可以完工,跟住就装门,要装左门先可以扇灰啊,但我宜家做门既时间要甘耐,甘米要停工咯???好后悔点解我成日睇黎睇去都唔订啊,成日觉得唔使急,好啦,宜家真是唔使急拉,唔是我唔使急,是人地泥水师傅唔使急啊,最后既结果就是搞到我一边订门一边系度自我谴责人地是好奇害死猫,我哩D唔知算唔算是唔知害死自己啊~~~所以今次真是不敢再拖,订房门既时候连洗手间门都一起订埋了,谁知道我又错了原因是我洗手间门唔可以等20日甘耐啊,因为我洗手间唔装门,师傅又贴唔到洗手间门两边既瓷砖啊,而一般洗手间门都唔使20天甘耐既,但因为我之前唔同人地讲清楚洗手间门要提早送,所以人地一般都是要等埋一齐先送货既,如果要提前拿一只门,要自己上门提啊,天啊~~~我到底要如何是好啊???哩度真是要赞一下蒋工,点解呢??就系我最无助又无奈既时候,蒋工好雪中送炭甘同我讲:“没事,你就叫他快点帮你先做好洗手间的门,做好了我去帮你先拉回来~~”当听到蒋工甘讲既时候,我真是感动鸟~~虽然并唔是咩大事,但要知道,距是无义务去帮我提货既,哩D就是人情味吧,唔会太计较,我个人认为出来做事有时就是要不怕吃少少亏,有时失少少,但可能系其他地方你会有得着,你会得到人地对你既认同,哩样野有时并唔是钱可以买到既。冧翻起第一日铺地砖既时候,因为本身蒋工同我讲左是先铺洗手间同厨房先既,所以我之前已经同泥水师傅讲好左洗手间同厨房既瓷砖要点铺,点知果日我比较迟去到,去到先发现师傅无铺洗手间同厨房先,而是铺左厅先,而厅既地砖既花纹我之前无同师傅讲过要点铺,师傅就按左距自己认为比较好既纹路去铺,而且已经铺左十几片,
但我一睇,同我想铺既纹路唔一样啊,点算啊?好彩岩好蒋工都到左,我马上同距沟通,原来是师傅知道我既洗手间门未有甘快可以到,如果距铺洗手间先,到时又是收唔到边,所以就决定先铺厅,但由于师傅已经铺左十几片,我都唔是甘好意思叫师傅重铺过,自己系度好矛盾甘冧紧好唔好就按照宜家既纹路铺算了,谁知道蒋工就同我讲:“你要想清楚,如果真是不喜欢这个纹路,那就叫师傅重新铺过,不要勉强了自己,到最后做好了,老是觉得不满意,有遗憾。”听到这里我又感动鸟~~~是啊,虽然蒋工自己都知道重新铺会麻烦又费时,但距都有从我既角度去冧过,都唔希望我为左唔好意思而勉强自己,到时落下遗憾。听到蒋工都甘同我讲,我当然马上决定叫师傅改纹路重新铺过拉,事实证明我哩个决定是正确既,因为宜家铺完之后我望住D地砖,点睇都觉得是我宜家既纹路好睇D,所以有时第一感觉真是好重要啊~~~同时都多谢泥水师傅既配合,话说哩个泥水师傅人真是好老实,话唔多,但每次对我提出既要求都比较配合,唔会为左嫌麻烦就想否决你,所以再次感谢师傅

讲左甘大篇野,点都要上D图黎配合一下既,马上去片拉~~
0413492u223yctq1tuu0cq.jpg
我既电视墙出黎拉
041502umdodn9s90a801dn.jpg
屋企堆满左水泥沙
041615hs1h00tb15g151g5.jpg
师傅好认真甘帮我量紧垂直
041718l26w2b2qszbl3jz2.jpg
我既地砖瓷砖华丽丽地登场鸟~~
0418098ceo8d9ci9oo3cz3.jpg
师傅两公婆好努力甘帮我既洗手间同厨房油紧防水
041944ebzbb4kvce4vbfyv.jpg
铺紧客厅
042047aobaomowqcmfcfko.jpg
房间一角
042134z1jj1817j178ojuj.jpg
厨房
042205nhhvkc329hci2n93.jpg
阳台
0423087zxkcc9wl7o2ccm2.jpg
网上订既多灵门锁,包装得好好啊
042416nn7a9pw1cno4twuz.jpg
网上买既玻璃马赛克,如果大家都想买哩D款真是要冧清楚,因为玻璃马赛克好容易烂,无论你几小心运输,都好大机会破损,而我其实都知道有哩个情况避免唔到,但又偏偏好中意哩个款,无办法,唯有自求多福拉,大家可以睇到一片就有好几个地方断左,真是好霹雳啊
0429396m900pgxxxog3ggo.jpg
师傅好努力甘帮我铺紧D玻璃马赛克
043103qx8awk6bux4wmam4.jpg
大致完成既效果,期待我装上灯之后既最终效果啊
043257qd5laqsaqadgea8d.jpg
洗手间同厨房试防水
好喇,今晚就先更新住甘多先拉,等听日有时间我会更新埋装修完后既图片

点评

naya86  哈哈,我看到我家砌墙的师傅啦  发表于 2012-12-3 14:19
南方工艺

初 二

Rank: 12Rank: 12Rank: 12

帖子
239 
经验值
1492  
注册时间
2012-5-31 
BB生日
2011-03-21
坐等lz家美图哦
我唔听话

高 一

Rank: 14Rank: 14Rank: 14Rank: 14Rank: 14

帖子
215 
经验值
1502  
注册时间
2009-3-31 
BB生日
2013-12-29


   
敏敏.妈 发表于 2012-10-9 15:43
坐等lz家美图哦


嘻嘻,搞左两个月,仲未搞好啊,起码要过多两个星期,我已经精疲力尽拉
我唔听话

高 一

Rank: 14Rank: 14Rank: 14Rank: 14Rank: 14

帖子
215 
经验值
1502  
注册时间
2009-3-31 
BB生日
2013-12-29
回复 新居网尚品宅配 的帖子

未搞掂啊,起码仲要过多两个星期啊

Rank: 3Rank: 3Rank: 3

帖子
经验值
85  
注册时间
2012-10-9 
期待继续更新!
我唔听话

高 一

Rank: 14Rank: 14Rank: 14Rank: 14Rank: 14

帖子
215 
经验值
1502  
注册时间
2009-3-31 
BB生日
2013-12-29


   
zenny_c 发表于 2012-10-9 23:14
期待继续更新!


哩位唔通是我家相公?
碧波东海

二年级

Rank: 6Rank: 6Rank: 6Rank: 6Rank: 6Rank: 6

帖子
经验值
5  
注册时间
2011-5-6 
装修太麻烦了,有没有比较好的装修队啊
只为广州

妈网认证商家访问商家店铺

Rank: 50Rank: 50Rank: 50Rank: 50Rank: 50

帖子
45824 
经验值
249857  
注册时间
2011-6-7 

广州通商家 口碑冠军 2015口碑王

小区环境不错哦,期待楼主的毕业照
我唔听话

高 一

Rank: 14Rank: 14Rank: 14Rank: 14Rank: 14

帖子
215 
经验值
1502  
注册时间
2009-3-31 
BB生日
2013-12-29


   
广州喜迎门设计 发表于 2012-10-10 10:04
小区环境不错哦,期待楼主的毕业照


谢谢,今晚继续更新

Rank: 10

帖子
146 
经验值
840  
注册时间
2012-4-17 
去佛上买瓷砖很折腾的
我唔听话

高 一

Rank: 14Rank: 14Rank: 14Rank: 14Rank: 14

帖子
215 
经验值
1502  
注册时间
2009-3-31 
BB生日
2013-12-29


   
折翼的菲菲 发表于 2012-10-11 17:37
去佛上买瓷砖很折腾的


就是吖,所以最后我地都无去佛山买,不过在广州买都折腾个半死了

Rank: 11Rank: 11

帖子
175 
经验值
1011  
注册时间
2012-4-10 
怎么折腾啊?
我唔听话

高 一

Rank: 14Rank: 14Rank: 14Rank: 14Rank: 14

帖子
215 
经验值
1502  
注册时间
2009-3-31 
BB生日
2013-12-29


   
起司猫七七mm 发表于 2012-10-11 17:51
怎么折腾啊?


只可以说最求完美的错

Rank: 18Rank: 18Rank: 18Rank: 18Rank: 18Rank: 18Rank: 18Rank: 18Rank: 18

帖子
2833 
经验值
9956  
注册时间
2010-10-22 
期待LZ继续更新,,哈哈,等住学习
60平方小两房的装修过程
快速回复

回帖后跳转到最后一页

广东省通信管理局互联网清理整顿 增值电信业务经营许可证:粤B2-20220217粤ICP备09174648号粤网安备案号:4406043011754公安机关备案号:44010602000095 Copyright 2004-2024 盛成科技 All Right Reserved版权所有    版权保护投诉指引

互联网药品信息服务资格证书 电子营业执照 网络文化经营许可证粤网文[2016]7051-1702号

违法和不良信息/涉未成年人有害信息举报电话:020-85505893/18122325185 举报邮箱:kf@mama.cn 涉未成年人有害信息举报专区 中国互联网不良信息举报中心
网络内容从业人员违法违规行为举报:kf@mama.cn 开发者:广州盛成妈妈网络科技股份有限公司 应用版本:11.12.0 应用涉及权限APP隐私协议

回顶部