mayho_0803

前几日帮我爸充值手机话费，之后睇短信，无意中竟然发现一条建行发离既短信，话申请既信用卡已经寄出请注意查收。。。

见到短信，我第一时间就问我爸系米有申请信用卡，我爸话无，距完全唔知有申请过信用卡。我睇日期系4月29日发离既，如果按一般申请信用卡流程，应该都需要两星期左右。我就问我爸四月上中旬有无去建行，我爸谂左下，就话距11号去过东华南个间建行办提取住房公积金，当时果个乜鬼大堂经理就俾左份表叫距签（我问系米份表有好多好细粒既字，细到你都睇唔到，我爸话系，所以我估个份肯定就系个D信用卡申请表）就系签名就得，跟住就见果个经理自己系度剔表格内容。我爸已经即时问距，问之前办提取，都唔洗填表架，点解今次要，经理无答距，又无解释，我爸又无再追问，以为系要甘（我爸已经六十几岁，一个老人家，用手机都只系识打电话接电话，连短信都唔识收发既）

点解而家D人可以甘无良，厄老人家资料去办信用卡，因为每次办提取都要带身份证去，所以果个经理肯定系唔出声就复印左我爸身份证资料嘞。

今日，打左好几次电话，终于转接左去建行信用卡客服，同距反映呢个问题，接线客服竟然仲话，可能当时系个工作人员见我爸符合申请条件，所以帮距申请。。。（真系好无奈，六十几岁人嘞，甘都仲符合条件，虽然我相信会有D老人家会使用信用卡，但毕竟都系少数啦，我爸连银行卡都无既，只系用存折。就甘睇样就知道符合条件，真系甘易申请信用卡既咩？）个客服仲讲到好理所当然甘。不过我知道无论点咬，都系得个桔，银行永远都有距既“道理”，我谂最紧要取消左张信用卡就算嘞，所以好明确同客服讲，我爸从无要求申请亦无收到过信用卡，而家就系要求取消左距。甘客服就话帮我爸取消。叫一个星期后再打上去确认系米已经取消左。

所以大家真系提醒下身边D老人家，去银行办业务要提醒十二分精神，唔好好似我爸甘“被”申请信用卡。


五月底又收到建行寄离既信用卡用卡指南。。。

mayho_0803

回复 lilyxuli 的帖子

唉，我爸就难得学呢D，话电话有事打就系啦，发短信仲乜

mayho_0803

我爸系一个简单既男人5" />

跟住，明明5月26日已经打电话取消左张卡，6月2日竟然仲收到建行发离既消费优惠短信。。。

我爱夜色

好在都有短信收先知道办左信用卡,最怕办左又没通知,到时到候就黎话你欠费,信用都受到影响.

stacey

.............

chelizi

申请没有问题的。你不要开通就是了。

晕陀陀

现在那些无良的人，为了业绩真的什么手段都拿得出来

mayho_0803

回复 我爱夜色 的帖子

系罗，真系好彩都仲有条短信先知道

mayho_0803

回复 chelizi 的帖子

甘被申请梗系有问题，系唔知情既情况下申请

mayho_0803

回复 晕陀陀 的帖子

可能见厄唔到D后生既，就去厄D老人家开卡，真系离谱。短信话寄出左，但都成个月嘞。我爸都无收到过邮局寄离既通知单，张卡根本都唔知系寄去边。庆幸查到系未开卡炸，如果已经开左消费左。。。仲烦

guolimay

E+D老人家，退休摞翻一大旧，个个月噤多退休金，紧系合符条件噶啦。银行D人都颠噶。

mayho_0803

回复 guolimay 的帖子

平时都经常提醒屋企既老人家，慎防各种骗局架嘞。估唔到真系防不胜防，果个“不法分子”竟然系银行D人。。。无奈。。。无良既人。。。

未注册会员

60岁以上都可以申请到信用卡？好似可以去银监局投诉个啵。

ttdz

好恐怖，连银行都玩野

mayho_0803

回复 未注册会员 的帖子

我爸已经六十二嘞。

mayho_0803

回复 ttdz 的帖子

仲恐怖过出边个D不法分子。。。以为安全既地方原来系仲危险。。。

路飞

打银监局投诉

mayho_0803

回复 路飞 的帖子

投诉。。。有时间都无甘多电话费去打。。。我净系打建行个客服，都打左好几次，发觉如果打信用卡专线，系要持卡用户先可以转到人工，无卡既又转唔到，要打返95533稳人工再转信用卡客服先得，然后又要听音乐嘞。。。等等等一轮，讲讲讲一轮，先搞掂。仲要稳本人离核实。如果打去银监会，可能真系唔知要花费几多时间先搞掂。

我地普通百姓，想维权，真系谈何容易。鬼唔望果个经理下次昆人开卡个阵，撞正个系律师既，等人告到距甩裤就岩。