sunnie_love

5月19日，无 无 聊聊上左携程，见到如心南湾酒店5月31日嘅房搞特价秒杀，HKD880~即时打个电话比老公，好！杀！落订！同BB去海洋公园庆六一！第二日嗱嗱声网上搞签注~然后去南湖BOOK咗个海洋公园门票+去程BUS+园内午餐票，300大元/大人，BB要占车位，加70大元。然后就去东站买6月1日回程嘅广九直通车票150/人。然后就期待出发...


5月31日清晨，6点正到达烈士陵园...我一直以为清晨打车很容易，谁不知等了5分钟都没有的士~好在LG前一晚就预约了的士，才能准时到达~BB一上车就继续瞓番~过关仲瞓紧，我问嗰个人，要唔要叫醒BB，嗰个人企起身望咗一眼，就叫我走~辛苦D，早D出发，都值得，过关好顺利~~然后上番南湖嘅车，大约10点半到达海洋公园门口，导游带咗我哋入去~~就散啦！

呢度10点开门，10点半就已经人山人海，而且，绝对是大陆人海~入去第一时间租个柜先，真系觉得香港人好实在，租个柜100港纸，连拉箱都放得入~~（去清远漂流，50人仔的箱，连背包都是勉强塞入去！唉...）呢度有BB车出租，HKD90/日，比较简漏~好在有自带~

哈哈~参考攻略，我哋快快手去排队坐缆车~（排队中...）




大约排咗20分钟就上到车啦~~


11点多D就上咗山顶，可能由于太早食早餐，有D饿添，于是就去缆车站一出嚟左手边嗰间餐厅度午饭啦。时间尚早，啱啱开门，我哋揾咗个无敌海景卡座坐低~



南湖包的午餐票都算给力，套餐任先一个主食，包一杯汽水~
我要咗个咖喱鸡，LG要咗个猪扒，婆婆要咗个香草三文鱼扒（呢个最正，哈哈）~肉的份量都超大！再一次感叹，香港人好实在啊！！！



真系好彩食得早，我哋食饱饱，大约12点半啦，门口排队等候嘅人已经超多，差D行唔到出去添~
查过海豚表演在2点，时间仲好，我哋去排队坐观光塔，由于是午饭时间，D人都去晒餐厅排队，呢度反而无乜人~HOHO~，等咗一轮就到我哋啦~BB全程都好兴奋，ar大个口得个窿，哈哈~



喺上面可以将海洋公园全景都睇晒~~香港个海同个天都好靓啊~~



玩完观光塔，大约1点半，我哋就去海洋剧场霸位行等睇海豚啦~
由于嚟得早，位置唔错，虽然想坐前D，但系好晒啊~所以拣咗中间位置~睇得清就好了~我哋坐喺度，休休闲闲咁食饭后水果~
食完都未够钟，婆婆喺度睇住D位，我哋带BB上去行咗一圈，影下相~快两点，D人越嚟越多，我哋就嗱嗱声番落去坐好~
（海洋剧场外面，有一排休息的台凳，仲有直饮水供应~建议自己带个杯去，园内D水好贵~）



嚟得迟嘅，就要坐前面啦，好晒好晒，D人要担住遮睇~~
睇完海豚表演，BB好攰啦，一放落车车，就瞓着咗~~然后我哋去咗睇D摊位游戏，再一次感叹，香港人好实在！20蚊一球篮球投篮，中咗，就可以拿走超大公仔！~LG弱弱地花了40港纸，投了个小象象~

然后再去咗企鹅馆，入面好冻好冻，所以我哋都着番外套，然后帮BB盖好被被~~点知，我哋一入门口，BB即刻冻醒咗，哈哈，都好，可以睇到企鹅仔~~见过实物后，佢番嚟就特别印象深~~同睇书书始终是两回事~（唔知点解，佢哋真是个个企晒喺度喔~~哈哈）


依家多咗个海洋列车，其实就是为咗分担缆车嘅压力~一车好几百人，2分钟唔使，就落到山脚~~入面黑妈妈，无乜特别~~
落到山脚，影下相相，随后我哋去海洋馆，不过感觉好似细咗好多，鱼少咗好多好多，记得几年前去，入面好大，鱼好多，珊瑚系真的，依家，珊瑚系石做嘅...鱼好少，无咗之前嗰个，抬起头见到好多鱼，剩番一面玻璃墙...多咗一间餐厅.....唉........失望~不过BB都系睇到唔舍得走~~然后再睇咗海象馆~~~感觉生物少咗好多，反而现在山顶大部分都是机动游戏~无乜意思~
然后就去睇熊猫~~BB见到熊猫好兴奋，系咁叫佢过嚟~哈哈~~~





同熊猫SAY GOODBYE后，大概5点~~我哋就决定走啦~今晚有节目，哈哈~~

小插曲：LG去攞行李嘅时候，发现有人派传单，原来系摊位游戏代金券20蚊！如果我哋早D发现有呢样嘢，就可以悭番20个大洋啦~哈哈~唔紧要啦~提醒大家下次去，一定要入门口就去问下人，边度有呢D摊位游戏嘅代金券~~好容易就攞到公仔，射球都是大概2分线咁上下咋~~而且公仔都是超大只，造工绝对精美！附一张海洋公园地图~其实上官司网都有得下载~



出咗海洋公园，坐升降梯落到平地嗰层，一出，就系南湾如心嘅穿巴站。不过时间唔啱，我哋决定行番去~~经过球场同两座行人天桥，大概用咗10分钟，就到南湾如心啦~（香港D无障碍设施真心好，就算呢边整紧路，但我哋推住BB车，依然畅通无阻，两座行人天桥，一座有两个大斜坡，一座是有空调的升降梯~~唉，感概万千~~你们懂的！）

南湾如心个门口好细，路过咗都唔觉嗰种~~入到去就得两堂电梯，然后上5楼先系酒店大堂~~CHECK IN后，我哋简单冲洗咗下，就落去酒店嘅自助餐啦~~哈哈~~酒店搞紧活动三人同行，一人免费。刚好，我哋三个大人，BB又唔收费~晚市自助餐好似系400几/人，计埋加一服务费，折番人仔，就大概两百几蚊/人，长蟹脚、鱼生任食...总之自助餐应该有嘅都有啦~~~而且食物新鲜~~呢度嘅甜品好正~芝士蛋糕啊~~布丁啊~~~一定要试~~咖啡也真心不错~连茶包都是川宁的~





饮饱食足后，就番房觉觉猪啦~~

第二日一早7点起身，LG到楼下间茶楼，买咗D点心上嚟，食饱饱，抖咗一阵，就换泳衣去游水水~~呢度免费提供浴袍同毛巾~~6月仲有少少凉，好彩泳池系恒温嘅，好舒服~~我哋落到去，有一家四口嘅外国人喺度玩紧~~两个男仔好活泼，爸爸教紧佢哋闭气~~泳池D水好清，无乜漂**味~感觉几干净下~有两个救生员喺池边~~晒到好黑~戴住超，身材超好~哈哈`~~~我哋玩咗个几钟，最后都是多咗一家大陆人，然后泳池就得我哋三家人在玩，我估好少人住酒店会去泳池~~
BB第一次去泳池游泳~玩到唔肯走~~哈哈~~~



玩到9点几，上番房冲凉执嘢，然后瞓左一觉~~11点半，落大堂CHECK OUT~

正好12点有班穿巴出市区~跟车到中环IFC（终点站），呢度地铁可以直接到香港机场，而且可以做埋登机手续添~~几好~呢度都好多嘢行~~我哋坐地铁过旺角，去楼上铺帮朋友买奶粉~~嗰间嘢叫：B&M~荷兰牛栏，3段，会员价HKD195~我办咗会员卡，如果想要，短我，我发相比你哋~~店长话影张相比佢睇就得了~


行咗一阵，就去红磡等车番归啦~（原来傍晚6点嗰班车，是九广直通车，即是香港车，唔系和谐号~架车有两层咖，D位舒服好多~）

sunnie_love

自己沙发一下~

jb200235

谢谢版主，下周去，谢谢了，其实看完熊猫馆还有哪些地方值得去的啊？我加小宝3岁多了。

sunnie_love

回复 jb200235 的帖子

仲有个咩四川珍稀动物馆~~唔知同熊猫馆有咩唔同~~依家海洋公园都机动化咗~周围都系机动游戏~~

jb200235

回复 sunnie_love 的帖子

哦哦，我看还有什么威威剧场，Lz没看吗？

调皮的小五郎

看起来很好玩的样子 想去

sunnie_love

回复 jb200235 的帖子

我们时间不够，所以都没有去啊~~BB中意睇鱼鱼，所以就睇咗海洋剧场，不过同时亦有海狮表演啦~

jb200235

回复 sunnie_love 的帖子

嗯嗯，看来我也要好好把握时间才行。

sunnie_love

本周日香港再走起！