mikoou

今日阿B七点几就起身，难得距自觉早身，时间尚早，快D去钟村医院体检入幼儿园。                估唔到钟村医院都甘多人，本以为普通体检，去钟村就算啦，近近D，点知变左阿B的受难日。。。。。。
                排队开单都无乜野，问题就出在抽血，几个护士搞左成个钟先抽到2支管。第一次系个护士长抽的，插左落去，无血出。未抽阿B就哭到乜甘，点知距仲要系度挑D针，左搞右搞，终于有血出了，不过好少。抽左几分钟，都系唔够，又叫多个护士黎帮手。搞左几分钟，拔翻出黎唔抽，话仲唔够，抽过第只手。阿B点都唔肯，我又唔忍心，等距无甘哭先再抽过。见到D血系针口流翻出黎，想呕，都系上去叫阿妈一齐捉住距好D。
                再去抽果时得翻个实习护士同另外一个护士，唔见左个护士长，就稳着白衫果个护士，见距抽左几个细路都系一次搞掂，就稳距啦。点知。。。。。。。
                睇完手，再睇埋两只脚都稳唔度血管，叫多个护士黎帮手稳，都系稳唔度。两个讲左一阵，摸住只脚果条血管几次，最终两个都决定抽呢度。一个捉住只脚，一个插针头，阿妈又帮手捉住大脾，我就抱住距。阿B哭到好惨，猛甘话好痛。呢两个护士都唔知有无搞错，支针插左入去成半个钟，点抽都无血，跟本稳唔度条血管。真系好心痛，俾着个大家都觉得痛啦，何况个细路。成10个人围住，都觉得阿B好惨。有个中年男人忍唔住入黎话距，睇到条血管先抽啦，都未稳到就抽。两个护士转流用支针去挑都稳唔度，放弃，又话抽过第度。我真后悔无同距去大医院体检，几个月果时系儿童医院，人地好快手，唔使一分钟，一插就稳到条血管；系中医院吊针，都系一分钟都唔使，就插好，呢度真系无言。
               我话今日唔抽了，甘样点系办法，有排搞，最惨系痛，睇到我都想哭了。 阿妈话终于都系要抽，今日抽埋距啦。个护士又换第只脚，今次系脚背度抽。呢次条血管清晰D，一插就得，阿B睇住无乜点哭，可能唔使挑，无甘痛。后面D人见到有血流入条管，个个都好开心，终于抽到了。从我9点50几分入去开始抽，到抽完出黎差几分钟到10点，足足搞左一个钟，阿B件衫都哭到湿晒了。单系果两个护士插住只针系度稳血管都占左10几20分钟了，心痛死我。以后都唔去钟村医院。
                经过今次，越黎越觉得健康与平安就是最好了，其它的都系多余。作为一名母亲，无乜野比自己的孩子身体健康与平安来得紧要。未做过父母系唔可以体会到呢份切心的痛，从知道有左阿B到现在，我一直都同自己讲，只要阿B健康就得了，无其它要求；我怕要求太多，上天连我这个小小的要求都唔俾我。
               愿身边的人，个个都平安及健康。

mumu

可怜的孩子，抱抱

婴孩宝

我最怕的就是抽血

马各

帮顶

SunnyJin

可怜的宝宝，不到万不得已，真不忍心让宝宝出血啊。