谢谢LZ分享啊...
前日睇到朋友转LZ既贴去朋友圈,琴晚就去试试啦~
生蚝的确如图,肥美新鲜~蒸完上台仲闻到海水既味道...30/打
不过...
我地从广州出发,大约六点多D就到明贤馆,里面地方不大,我地4个就坐外面...
因为入座之前入馆内转左一圈,我地发现每张台上面的食物都唔系咁吸引..无色,亦闻唔到咩香味...
但系既然开车来到,都要吃左生蚝先走噶,于是就落单点2打生蚝,同一份卜卜蚬...
过左一阵,老板娘出来话,你地坐出面无炉,煮唔到卜卜蚬喔~吃其他啦~
(我地就唔明白啦,你意思系吃其他桑拿菜就会有炉俾我地?)
而且卜卜蚬我地系顺德其他地方吃过,都系煮好一盘上既,点解一定要炉?
不过既然老板娘话无炉就无炉啦,,咁我地斋点2打蚝啦.
(因为其他真系睇落唔系好想吃,你地去到睇过就知..)
然后老板娘就话,斋吃蚝45/打.咁我地都话无问题呀,你落单啦...
然后过左一阵,大约十几分钟吧?上来一盘蚝,阵阵海水香味...吃落的确都肥美新鲜~
于是我就同老板娘讲,帮我落多2打呀~~
呢个时候,老板娘就话,我地宜家唔得闲蒸蚝啊...
(唔得闲?)
哦,无所谓啊,我地打机等你啊...跟住等啊等,大约从7点一直等到8点,,,都依然唔上俾我地...
咁好囖...都8点了,我地都要翻广州稳野吃噶..
我就话,老板娘,如果你唔舍得卖俾我地,就埋单啦~~
然后老板娘帮我地埋单,,,2打蚝+4个茶位,94蚊...
最后翻广州吃左个探鱼收尾~~
======================
无可否认,生蚝的确值得吃,如果咁岩其他菜你见到想吃,咁就最好不过啦...
如果想斋吃蚝,咁就...
(系了,佢D豉油同挖沙比都系原装的,豉油好香呀~)
至于老板娘态度,唔算差啦,大排档,系咁上下~
希望老板娘改善下其他食物的卖相味道啦,始终用蚝来吸引食客去,有一次未必有第二次呀~
同埋系餐牌上面写明每台限点X打生蚝,咁样误会可能少D,大家都愉快D~
以上都系个人感受,希望其他妈网朋友去完翻来,话,其实虽然卖相差D,但其实好好味~?
-
-
-
|