食大过天

江南西觅食后续来了！两条友喺富力海珠城唱完K，本来想就脚去食摩打，结果被门口一堆人。。。预计排队个半钟劝退。。。

闺蜜直接拉左我去呢间【高卡一番日本料理】，话食过两次，点点都唔踩雷。

环境都算几雅致啊，台与台之间唔算太密。重点唔使排队，悠悠闲闲吹水食饭几好。

【芝士鹅肝卷 半份】
颜色睇上去无其他日料店的深，鹅肝仲透住小小粉红色，整得火候刚刚好！真入口即化~

【酸奶三文鱼卷】
听名仲惊酸奶搭三文鱼味道会唔会好奇葩，点知嚟左一试就“真香”！

酸奶其实代替左美乃滋，一样酸酸甜甜，但口感更加轻盈，无美乃滋咁漏，搭配三文鱼整体很清新~

【各种寿司：厚烧芝士鳗鱼寿司、炙烧黑椒三文鱼、炙烧黑椒海虾、牛油果蟹棒】

我对牛油果麻麻地，所以无要。

食材都好新鲜，但唔知喺未因为食完鹅肝卷再食寿司，总觉得寿司无咩惊艳噶，就预想之中的味啰

【芝士牛舌】
他家的招牌！店员直接在你面前煎牛舌~煎之前会问你熟度，我们pick了嫩点的

见店员三两下手势就煎好啦，因为用黄油煎噶，一边煎一边闻到香味！

一搞定，店员就叫我地用牛舌卷住一小块奶酪趁热食。油油亮亮的，光看就无敌诱人了！

奶酪在牛舌的余热中慢慢融化，一口能尝到牛舌的脆、嫩，浓郁肉汁加上微微带酸的奶香，害，边写边吞口水！

【虾天妇罗】
见隔离台个天妇罗，金黄金黄噶，好鬼正，我地又加单左份。嘻嘻

食之前先放d白萝卜蓉到酱汁（应该是调制过的酱油），然后搅一搅~

轻薄炸衣刚好裹住虾肉，斋食好酥脆，啖啖肉，唔会满口都喺粉。

更钟意蘸下个暖暖酱汁再食，炸衣嗦左酱汁，无咁油腻，食落仲莫名有点甘甜。
个酱汁好似有阵淡淡药材气，难道因为白萝卜？点左佢，感觉食落肚都无咁热气，哈哈！

服务员态度好奶思。闺蜜中途夹寿司无夹稳，寿司跌左落台，店员见到话叫厨房整过块。
埋单仲提醒点评有券可以减十蚊，食咁多间餐厅第一次见有店员主动提醒噶。
呢餐257，胜在食得舒服，出品无乜好挑剔的。如果喺摩打，喺呢边食完都唔知果边排完队未。

叶荣添

     不错不错

轩怡装饰

感觉不错哦