funnyho

8月2日系囡囡2岁日，于是1，2号就全家一齐去左沙扒玩！
      提前一个星期去假日通报名，已经无晒抢位价啦，最平都要108/人，住民宿，囡囡未够1米免费！
      1号早上6：20，全家大人都起床梳洗好，就叫醒个女，好彩距都无扭计。
      6：30，四大一细，4袋行李，出发！
      7：00去到财厅，吃 拉肠做早餐
      7：20开车，前往期待的沙扒湾！
      开左大概半个钟车，囡囡就训返个回笼觉，大人都补眠一下先！
      11：30到达沙扒，又晒又热，随便系落车旁边的兆仔记吃午饭：一斤九节虾白灼，一斤花蟹（有膏）姜葱炒，墨鱼丸，油菜，蚝仔煎蛋，112埋单，除左墨鱼丸觉得一般之外，其他都好好味！
      13：00拿到民宿锁匙，入住，冲凉 ，训觉。我地住的民宿系晓港湾酒店背面 ，吾系正对大马路，比较安静。
      16：00换好衫，完全无晒太阳，真系正啊！系民宿楼下叫左部三轮车（30蚊）出发去月亮湾。车仔佬提醒我地，入大门的时候吾好俾人见到个水泡，个度吾俾带入去的，要去入面租。我地就将个水泡放系凳底，卖票的人都吾会好认真甘检查。
囡囡好钟意玩水，第一次带距黎海边，距不知几甘兴奋，即刻就要冲落去啦！距穿入个水泡度，公公带距落水，第二个浪就打到距成头湿晒！几担心距会被吓亲扭计，点知距用只手仔拨下块面，继续要冲出去！一D都吾惊！仲猛话好玩！带去的玩沙玩具，睇都吾睇一眼，无晒兴趣咯！因为无太阳，怕囡囡冻，玩左个半钟，就执野走啦，个囡仲吾肯走添，唯有一边哄一边强硬拉距上水，好彩距一向都吾系个种好扭计的人，上左水就听听话话跟住我同婆婆去冲身啦！回程的时候囡囡好肚饿，就俾D面包距吃。返到民宿，用热水浸热返中午打包的一碗白饭喂埋俾距吃！
大人冲完凉，就行去路口的梅姨吃饭。3只奄仔蟹，一条鱼（好滑好甜），酱爆尤鱼桶（有几只有膏添），海胆炒饭（4两海胆，好香好鲜），油菜，一支生力啤，一罐雪碧，埋单158（后来计下数，发现收左我地一蚊一位饭钱，但我地无吃到距的白饭）。吃饱饱之后就散步去沙扒海边，睇人地放烟花，放孔明灯，囡囡好开心！
       第二日，因为怕早上水比较冻，所以就无去沙滩啦。早餐：蟹粥（极吾新鲜），蚝粥（好甜），蚝仔肠粉，芽菜碌肠，好饱！之后顺住条路行去市场，买左D奄仔蟹（28蚊/斤）带返广州，买左D蚝士，干鱿鱼仔（呢两样海味返屋企整黎吃好靓，而且比广州平好多！）
        11点返民宿退房，行李放系一楼，老板娘负责睇住。因为好晒，吾想行太远，于是中午继续系梅姨度解决，一只泥焗鸡（好好味，鸡质都好好，打包一只返广州），蚝仔蒸蛋（咸左D），姜葱炒尤鱼桶，瑶柱炒饭，油菜，一支果粒橙，埋单212系隔离档买左份焗鸡杂（5蚊，几好味,仲打包左一分返广州添！）.埋单的时候顺口同个人讲左昨天收多左我地饭钱，居然退返俾我地喔！抵赞！！返民宿，借个厕所同囡囡冲个凉再走！
       13点回程返广州，好快个囡就训着左。可惜一个钟左右到左中途购物点距就醒左，吃个雪糕，之后就吾肯训！
        5：30三元里地铁站落车，返到屋企6点钟！

        罗索左一大轮，总结下呢个行程：
        1、虽然网上有好多推介的饭店，但个人感觉系其实间间都差吾多，只要自己觉得方便就脚就得啦！
        2、囡囡2岁，第一次坐3-4个钟的长途车，为左解决生理问题，我连痰罐都带埋，套个胶袋，o虚o虚完之后绑埋个袋口就得啦！
        3、民宿好新好干净，个人感觉同个度的酒店无咩分别
        4、挂住凑囡，全程影的相加埋可能都无10张，不过开心的感觉，永记在心！

JOJO的妈咪

我也是1,2号去了回来,跟你行程差不多了,觉得也挺好的,就是第二天早上想去沙汃湾沙滩照相时候才知道它白天要收费的呢,每个人15蚊,我们都没有下去了

ka020

写的好仔细，赞！

小精灵诺诺妈咪

住民居楼都几好啊，我响浪琴湾住民居楼，开门见山几正啊，好过住渡假村啊，回味至今。

陈惠惠

沙扒有12元的门票，也有15元的门票啊，12元就进入一次，15元可以进二次！

funnyho

我第二日中午都去左沙扒湾行，就系晚上放烟花个个沙滩，第一条楼梯要收15蚊，行过100米左右又有一条楼梯，免费的！

五年

是啊，
反正没人守着的楼梯下去都不用给钱的。

funnyho

   

原帖由 小精灵诺诺妈咪 于 2010-8-9 03:03 发表
住民居楼都几好啊，我响浪琴湾住民居楼，开门见山几正啊，好过住渡假村啊，回味至今。

睇左你的介绍，我都想去一次浪琴湾！

discount

介紹的很仔細哦

小精灵诺诺妈咪

   

原帖由 funnyho 于 2010-8-9 22:05 发表



睇左你的介绍，我都想去一次浪琴湾！

看过我的帖子《浪琴湾乡村之旅》没有？浪琴湾的沙滩有点油有点黑哟，水里有虾仔蟹仔，夜里很静，几乎没人在沙滩玩的。你要搞清楚自己是否喜欢那种感觉才好决定哦。

funnyho

其实我对水质的要求吾高，只要有水玩，个女开心，甘就足够啦！