唔好啦~就算個男人幾衰都好，個BB無罪架~你要諗清楚。仲有六十幾日，你個BB就出世架啦。仲會對住你笑，會喊，會扭計，會叫你俾嘢佢食。過多一年多D，佢會叫你媽媽，佢會拖住你只手，同你一齊行街街。過多兩年，佢可以去托兒所，學D歌仔返嚟唱俾你聽，會跳舞俾你睇。過多七年，佢會上小學，佢會話俾你聽，媽媽，我今次考試攞咗一百分吖~！過多廿年，佢會出嚟做嘢，回報你為佢做過嘅一切，佢會孝順你。過多廿零年後，佢會帶個男朋友或者女朋友俾你見，同你講：媽媽，我大個啦，我要結婚啦，以後又多一個人錫你啦。再過多一排，佢會抱個BB俾你睇，話俾你知，你有孫孫啦。 你諗下，人地幾多都系BB出咗世先離婚，人地又咪一樣養得大？如果一個男人，唔可以接受你嘅BB，咁佢根本算唔上愛你。另外，你敢肯定，以後你老公知道你曾經引產過一個8個月嘅BB，佢會唔介意？8個月，已經系一個人嚟架啦~！而家生出嚟，佢已經可以存活架啦。你知唔知引產系咩一回事？醫生會打支針入去個BB度，整死佢，人、再打催生針催佢出嚟。你想唔想象到你駝咗八個月嘅BB突然間見到有支針入嚟打落自己度，佢會幾驚，佢有幾痛吖？佢唔可以好似其它小朋友咁，開心快樂咁長大，甚至佢唔可以望一下呢個世界，唔可以系陽光下面同其它小朋友玩~！咁樣對佢公平咩？ 衰極都系個男人衰，點解大人嘅錯要一個完全唔懂事嘅BB去承担吖？错极都系果个唔知羞嘅女人错，点解呢D错要一个BB用自己条命嚟证明吖？ 仲有，你同你屋企人商量过未吖？个孙孙佢地都有份架，你唔可以咁自私，一个人去决定一个BB嘅生死~！ LZ，三思吖，俾一个机会你自己，做一个成功嘅妈妈，俾一个机会你BB，等佢可以望一眼呢个世界啦~
| 
发表于 2007-6-23 18:03
静然:
毕竟BB已经8个月了，系宜家的社会环境造成甘多呢D野，LZ你要坚强点，BB是无罪的，距系你的BB，女人唔一定要靠男人先可以生存落去，将BB生落来吧，之后再用法律途径去保护自己，妈网上面都会有好多MAMA关心你的~~~我的BB亦都同你一样8个月了，你唔觉得距每日系你个DUDU度郁系种幸福咩？
