jingcai200

上两个星期同一大班朋友去左深圳西冲。返黎后心思思仲想去多次 所以即兴响周四又同朋友杀入西冲啦 因为之前响M网上发左D图，又有好多靓靓响短消息度问我行程同住宿的事，依云就学人写吓攻略啦 希望各位唔好见笑呀

[ 本帖最后由 jingcai200 于 2010-8-28 21:15 编辑 ]

jingcai200

我地系下午三点才从凤凰城出发的，因为上次去西冲个时系有人开车，而我就系路盲 所以我只系知道基本线路，出发前已经响网上查再吓线路，但唔知系车迷网上写线路的日期太旧呢，去到机荷高速上竟然见唔到白泥坑出口 一直出到尽问收费站的工作人员至知道原来改左名啦，所以响依度讲过一个正确的线路以供各位参考啦
广深高速——机荷高速——盐坝高速（盐田港方向）——（南澳方向）葵涌出口（依度要讲一吓，因为大中国的路牌真系另人发晒温咖，我地去到大小梅沙都未见到有指示葵涌依个出口，吓得我地以为又行错路 好在打电话问朋友至知道响小梅沙再落两个出口就系葵涌啦 ）总结经验就系向住小梅沙的方向行，过多两个出口就系葵涌啦
出左收费站后就向南澳的方向开，沿路的指示牌都好清楚噶。去到南澳有条海鲜街， 强烈建议唔好响个度食饭呀！第一次去个时都觉得唔好咖啦，因为个度的海海鲜表面上系平，但加工费仲贵过海鲜 ，依次唔知点解鬼迷迷甘又入左去，林住响第间应该唔会甘唔好彩挂 点知仲系到处乌鸦一样黑！我地要左海胆、赖尿虾、海虾、泥猛鱼、鲍鱼螺、仲有一条唔知叫咩名的鱼，埋单系四百七十几蚊，好在无要档主介绍的唔记得左叫咩的蚬，果种蚬好似我地食开的黄沙蚬，要成28蚊J，本来要左噶，后来一称3J几就要成104蚊 我当机立断飞左依D唔要。我当时问有膏的赖尿虾有无，距话有系20蚊J，我就觉得：哇！平过广州啵，仲以为执倒平野添点知。。。。。。。。。。。唉！海胆系15蚊J，我地要黎炒饭，但加工费就要28蚊啦 泥猛鱼20蚊J要黎滚汤，鲍鱼螺系28蚊J要黎白灼，海虾系90蚊J都系白灼，条鱼就清蒸，味道都唔错，赖尿虾就盐水浸，仲要左个油墨菜添，最后埋单175蚊。计落依餐就食左六百几啦 因为赖尿虾的事同档主去理论所以无晒心情影返海鲜的靓相 总的黎讲海鲜仲系几好噶！但唔够沙扒湾平
但胜在比去沙扒湾近罗因为我地去到南澳海鲜街个度才5点半。计吓时间我地如果无行错路的话应该两个钟就到南澳啦，而从南澳去西冲才开左十几分钟的车 沿住公路的指示就可以睇到去东冲同西冲的路啦（D人话东冲都好靓，下次要去吓先！）我地一行六人就向西冲方向进发，要上一段盘山公路，（到山顶有间叫沙坑的农家菜，我地返广州的时候就响依度食噶，食得唔错，比食海鲜要好得多啦，依个留返下回分解！）之后就入到西冲啦！因为我地上次住的系1号收费站的碧涛湾渡假屋，有老细的电话，而且唔系周末，所以大把房咖之前打电话 同老细讲好系250蚊一晚，我地要左二间房。个度的房价好有弹性噶，周末会贵几十蚊，因为第一次去个时要左7间房，所以同老细讲好以后我去都系250蚊依个价 之前响网上见到西冲有个网站4号收费站个边的木屋系百几蚊一晚，但有朋友去过话果D木屋又细又有一阵味，加上第一次住过依度，觉得个老细几实在仲有倾有讲添。因为食饭去到住的地方都成七点几啦 建议如果自己开车去的话可以买定野去海边烧烤咖，个度租个炉系60蚊，加袋炭就要20蚊，都还可以。但响距的店买食品就比较贵。鸡亦要6蚊只，火腿先生的肠仔要20蚊一袋（得20条），羊肉3蚊串，鸡中亦3蚊只。因为食海鲜都食得几饱，所以我地只要左几样野黎过吓引 （要左两只鸡亦、两只鸡中亦、五串羊肉同一袋肠仔）一边烧烤一边听海，吹住海风同朋友畅谈个种感觉真系太好啦 期间仲见到人放孔明灯同烧烟花添。仔仔挂住玩电脑无同我地一齐烧烤 玩到11点几我地就返房息啦，房间的比较简单，就两张床（一张米半，一张米二）有独立洗手间，24小时有热水供应，有冷气。
房间的图系响网上借咖，除左洗手间无左个热水器外其它都系一模一样咖，可能系个热水器装响外边挂。但我睇唔到噶，不过觉得热水器唔响房间仲好仲安全呀

[ 本帖最后由 jingcai200 于 2010-8-28 21:19 编辑 ]

jingcai200

房间虽小但胜在够干净呀！我地无要最出边的海边木屋系因为怕海浪噪住训觉

[ 本帖最后由 jingcai200 于 2010-8-28 11:06 编辑 ]

jingcai200

教好闹钟早上5点几就起身啦！以为可以睇到日出，但只睇到未落山的月亮！

[ 本帖最后由 jingcai200 于 2010-8-28 21:20 编辑 ]

jingcai200

没人顶没咩心机写啦

[ 本帖最后由 jingcai200 于 2010-8-28 11:25 编辑 ]

hellokendy

支持!我也是凤凰城的

jingcai200

系我朋友响凤凰城住呀

[ 本帖最后由 jingcai200 于 2010-8-28 11:32 编辑 ]

poplotus

我去过两次，第一次是周五上午9点到达（要不是走错路会更早到）当天中午离开，第二次是周六中午左右到达直到周日上午离开。
结论，千万不要在假期去，海滩再大也是有客容量的。平时去基本是一人独占海滩的感觉，海边无垃圾。节假日是成千上万的人，卫生情况可想而知。
西涌确实是好地方，海水清澈，有专人维护海边环境卫生。（节假日是无论如何也维护不来的啦）

jingcai200

系呀，一定唔好周未去添呀

[ 本帖最后由 jingcai200 于 2010-8-28 11:34 编辑 ]

nn1126

妈妈也去了2次了？呵呵，我那次去也是想过早上拍日出的，谁知道就一直失眠到1点多，接着就就睡到早上7点多了，什么也没拍着

jingcai200

多谢帮顶。继续写啦：睇唔到日出唯有游水罗，朋友个女女才三岁月，而我个仔就十二岁啦 但好在仔仔都有同朋友的女玩 （我用Q币引诱个仔）开始个F两公婆仲响度训懒觉，只有距地的妗母出来睇日出（距妗母系帮手F带女女的，由出世就带到依家啦，因为系亲戚所以去边都会带埋妗母去！）后来我敲门叫醒晒距地，点知距两公婆就继续找周公倾计 女女就比我骗出黎玩啦！依家D相系我用手机影的，所以有D蒙，等我整理好相机里的相后再上D清楚咖啦

[ 本帖最后由 jingcai200 于 2010-8-28 13:07 编辑 ]

jingcai200

小家伙一见到海浪就玩疯啦，一边跑一边哈哈笑，超可爱哟，我就响后边上气不接下气地追 后来距爸爸终于比我叫醒左，我就可以歇一歇 点知我个仔见到朋友起左床就立即话唔玩水啦，仲话比我个F知我已批准距上去玩电脑 本来出去玩就系唔想仔仔成日响屋企打机，点知个F话就黎返学啦，比距玩多阵啦搞到我变左成个不讲道理的恶妈

[ 本帖最后由 jingcai200 于 2010-8-28 13:17 编辑 ]

可爱的周王子

我们家也想去西涌呢。继续写呀

feel000fish

我地月中嗰时去嚟，，系跟团噶，，平日去，，无乜人，，好好玩，，我地住4号滩嘅水泥屋，，应该都系属民居形式噶，，4号滩多垃圾5好玩，，我地行去3号滩玩好好玩，，夜晚散步我地仲行到过去2号滩，，嗰度应该最好玩了，，夜晚就系得嗰度最多人落水玩，，嗰度有一段好平缓，，见到D人玩得超开心，，我都仲想再去，，我去有去埋情人岛。。

monmon

帮顶帮顶帮顶帮顶

jingcai200

多谢!有人顶就有动力啦
玩到8点钟左右我地就去旁边海宁渡假村的餐厅食早餐,强烈 大家唔好去帮衬依间野呀.有个老女人恶到S,我见到墙上贴住张纸:窑锔鸡68元。就多口话左句：点解甘贵咖，出边好似卖50蚊啵！果个阿毛 即刻顶返五句：有无人叫你食，贵咪食罗，出黎玩差个D不如唔好玩啦，旅游区系甘咖啦，无人叫你黎依度食啵！ 我甘好修养肯定唔会同距计教啦 因为上次我亦都系响依间野食过早餐，觉得味道仲可以，可能系上次玩到成十点几至黎食，所以招呼好D挂。我地点左两个白粥4个肉丝炒米粉（上次食左炒河粉，D粉太淋唔岩我食），白粥系10蚊一个例，可以够两个人食噶，米粉就15蚊一碟，我个仔一个人都食左一碟啦！响到等个时个阿毛又黎问我地9点前可唔可以食完走人呀，我问点解？阿毛话有个旅行团订左团餐，要我地9点前要食完，仲话唔想做我地D散客的生意添。我个F气到声都出唔到。我就话食完就走罗 ，之后精彩的戏肉黎啦 有个阿姨系跟南湖国旅的团去的，话系二百几一个人包车来回同住海宁渡假村，唔包食。距叫左个汤河粉好似系15蚊一个例，食到甘上下距就问个阿毛可唔可以打包D汤粉返房间食。个阿毛话：唔得！你打烂我只钵点办！个阿姨话：D人个个寻晚玩得好HI都唔肯起身去餐厅食，最多我比返押金你啦！个阿毛话：无得倾！要打包就打包炒粉啦！ 个只钵就系我地平时响酒楼装汤个D白色的瓦碗顶多十蚊八蚊。平时一碗粉至卖几蚊，响个间野卖15蚊就算啦，仲甘串！依个时候旅行团有几个人早起身黎食野啦，个阿毛就好恶甘话：你地系订左九点啵，甘早无野食呀！有个人睇唔惯就讲左句：我地可以坐响度等咖！个间野有成十几张台，比人坐吓都唔会S啦接住又黎再几个跟南湖国旅的，个阿毛仲串，点咩无咩。我地几个私下就讲好彩我地系第一个黎姐，唔系连食都无得食啦！比钱仲要受气，我个F话当堂无晒心情啦，后来我地埋单80蚊。个老细收钱个时见到距无晒符甘的表情就知平时个阿毛几黑人睁啦！
响依度要提醒各位，西冲的收费站系按人收费的，米半以下细路就唔计数，每人十蚊，停车系每晚十蚊，过左晚上十二点后就算多日停车费，有车的朋友可以开车出去食，外边大把农家菜馆。仲可以送餐添！

[ 本帖最后由 jingcai200 于 2010-8-28 18:15 编辑 ]

nn1126

我都几同意你的说法，所以我上次去到海宁的时候去问管理处的人都指我们走远点去到月半湾个边吃。管理处的人说他们的朋友都是去个度吃的。

jingcai200

食完饭继续写：
食完早餐返到住个至记得可以叫老细帮手煲定煲白粥咖 （人老左真系无记性 ，上次黎个时个老细就同我讲过可以煲粥比我地当早餐噶，如果我地去三门岛下网的话第朝仲可以将网到的鱼煲粥添，我朋友就试过旁晚出海放网，早上出海收鱼，返黎叫老细整黎食，仲话好鲜甜添）我地就去对面的情人岛。上次去过个边的水比西冲依边仲清，可以见到鱼仔响到游来游去添！同老细讲价将150蚊的船费讲到120蚊。朋友本来唔打算比距女女坐快艇咖，因为从未坐过，响我的诱导之下我地6个人坐住只快艇向情人岛进发啦，中途朋友的帽被吹左落海，个开船的靓仔帮距执返，之后又到距女女的帽吹落海 个开船的靓仔又执多次 个开船的靓仔仲响度等住我地到尽兴至走添 我个仔好熟络甘问个靓仔拿潜泳镜 （因为上次上岛个时距比过仔仔用）个F本来没穿泳裤过去，又不打算下水，因经不起女儿的叫唤和海水的诱惑都把衣服脱掉下水啦，连朋友的妗母都下埋海 女女的妈咪就帮我地影相，等相整理好我再继续上靓图哈

[ 本帖最后由 jingcai200 于 2010-8-28 21:14 编辑 ]

pc仔

好详细啊，等图