ccape

    琴晚结束了一连三日的厦门之旅，今日打算同大家分享一下我的游记，希望对计划去厦门的朋友会有帮助…
    今次同两个同事一齐去，我地自助游，网上订机票，来回+机场税=820元/人（如果早多一个星期订仲平），我地早机去，晚机返，所以行程时间尚算充足，旅馆我地订左喜林阁，两晚住宿（加床）240元/人
    好啦，分享一下我地D行程啦…
DAY 1
早上9点的飞机，不过迟左半个钟先起飞
等待登机中….

蓝天与白云….

飞机餐（都算OK）

ccape

    大约11点步出机场，我地坐的士去轮渡，行成功大道，大约20分钟的路程，46元
    到达喜林阁都已经中午时分啦


我地间房

喜林阁

[ 本帖最后由 ccape 于 2011-4-25 20:41 编辑 ]

ccape

    系喜林阁吃完午餐，就正式我地今日的行程啦，对面就系日光岩，我地买左景点套票，出发….


向日光岩出发

今日天气麻麻

出发去百鸟园

唔肯开屏的孔雀

唔知依只雀仔叫咩，不过个样好搞笑

密运小女孩

睇直播

ccape

    今日游景点过一段落啦，跟住系晚饭时间


经过NANA旅馆

丽珠沙茶面，我觉得沙茶味唔够浓，牡蛎煎都可以，整体感觉OK

ccape

    吃完饭，在回旅馆的路上闲逛，俾我地发现一间唔错的CAFÉ，但网上好少有评论过，但我地三个一致认为无论环境，出品，服务都唔错，所以诚意推荐俾大家，有机会你地都可以去试下，重芝士蛋糕，红豆冰都好好味，泉州路60号一层，店名：cantone dessert，上图…

店铺门口   

店内摆设

手绘餐牌，D公仔画得好可爱，而且内容系粤语叙述，相当有亲切感，老板可能系香港人，因为字体系繁体…

第一日的行程就此结束…

[ 本帖最后由 ccape 于 2011-4-25 18:01 编辑 ]

ccape

DAY 2
今日我地计划出市区，去厦门大学--白城沙滩--南普陀寺--中山路


早上系喜林阁吃个免费早餐先，蛋糕都可以，只系豆浆唔多够甜

去码头的路上，见到幸福天空

路边的小铺

好可爱的熊仔啊…

ccape

终于行到出码头啦，只见人山人海，可能今日系星期六，所以特别多旅行团，迫啊…

出左码头后，我地就坐巴士去厦门大学啦，我建议大家坐到去厦大白城站，落车后往回头走，过了人行天桥后，行上小小，往你的右手边，会望到有个类似小区的入口，果到其实都系厦大的入口，守卫无甘深严，只有一个保安，而且距都无问我地去边，直接行入去就系啦。因为我地走的时候系南门出，见到好多保安，而且要身份证登记先俾入，我知道好多人都会系南门入，所以系到俾个建议大家…
白城沙滩，本来想踩单车，但实在太晒啦，顶唔住啊…

原来蔡康永都去过厦大参观，哈哈…

湖边的两只小鹅

厦门大学真系好大啊，而且好多地方我地都未行，无力啦

[ 本帖最后由 ccape 于 2011-4-25 18:23 编辑 ]

ccape

南普陀寺，系厦大的南门出黎，往右手边就系啦

荷花池

三朵荷花与一只小龟

   
    参观完，本来想系寺内试下D斋菜，因为网上讲到好好吃，点知我地又发现一个非常唔人性化的地方。我地入到餐厅已经满座了，好唔容易等到位，林住坐低点菜，点知原来无餐牌，要自己出去外面卖饼果到点菜，我地就留低一个人坐住先，两个出去点菜，点知，都未林好吃咩，我同事就俾人赶左出黎，原来要点好菜，俾左钱有张单先可以入去稳位坐…我当场晕低，无晒意见，所以我地决定唔吃啦，一肚气，我建议大家，如果真系想吃，就要分头行事，最紧要快，如果唔系有位无单，有单又无位啦…

[ 本帖最后由 ccape 于 2011-4-25 18:26 编辑 ]

ccape

    坐车去中山路步行街，又系一个失望之处，原来无咩特别，无地方行，其实就系一条双倍长度的上下九，大家都知卖咩啦…大家可以唔使浪费时间啦。所以我地都急急脚行返去码头坐船返鼓浪屿啦…


行左成日好累啦，我地决定系JUDY’S CAFÉ坐下…

出品一般，有种被骗的感觉

晚餐我地去左翠苑私房小厨，性价比高，出品唔错，我地吃左四个菜只系102元，抵啊…
本人摄影技术一般，手震，哈哈

特色拼盘，厦门炒米线，蒸五花肉，一品白菜

饭后甜品，芒果酸奶，果然唔错，芒果好甜，好味

ccape

    行下行下，又发现特色小店，而网上好似都无介绍过，但又系诚意之作，大家可以去试试，铺头里面摆左好多胡桃夹子的公仔，我怀疑系老板的喜好，距可能好中意收藏，店里面的公仔全部都系卖的，个个都有价钱架，你可以随便影相，随你搬黎搬去，只要唔整烂就得啦…除左装饰摆设特别，出品都唔错，主打系芒果系列，龙头路99号，胡桃夹子吧，就系叶氏麻糍附近。

ccape

DAY 3
今日系厦门之旅的最后一日啦，我地会系岛上闲逛，继续发掘新鲜事…
GLY--鼓浪屿

好多画画的小摊

好值得怀念的零食

love_family爱

支持楼主继续上图！好精彩哦！

ccape

三一堂

周围都系斜路

ccape

多谢支持啊...我在努力中！

ccape

最后，去买埋手信啦...
无左我最想吃的红豆味，甘快就卖晒，好失望啊

等待中…

飞机餐

    三日愉快的厦门之旅，今次有惊喜的发现，亦都有失望的感觉，不过整体上我对厦门，鼓浪屿的感觉都唔错，值得大家去玩下…总结经验，网上好多店铺的好评，大部分都值得一试，其实都系要自己亲身去体验，去发掘先有意思，好似张三疯奶茶我觉得就无网上讲得甘好啦，叶氏麻糍都还可以，好出名的鱼丸我觉得只系一般，可能我本身对鱼无咩兴趣，赵小姐的店，我只对凤梨酥有兴趣，粒粒香扁食店都值得一试，伴面唔错，黄胜记门口每次经过都系甘多人，我觉得猪肉干系最好吃的，我都买左一大袋，特色小吃，金包银同北仔饼都OK喔…我诚意推荐的，黑糖咖啡馆，cantone dessert，胡桃夹子吧，翠苑私房小厨，希望对大家都系唔错的选择…
    怀念鼓浪屿，希望下次有机会再去……