cici1590

9-23中秋深圳西冲赏月之旅(准备篇)
经过我两个月前准备，决定去深圳西冲一次近距离接触。经我系网上搜索同埋同一帮驴友妈妈交流下，呕心滴血地整理左一大篇行程出黎。 本身打算自己唔甘辛苦的，我联络户外组织同埋旅社，但系距地报俾我的价钱真系唔系我地依D师奶仔可以接受的。一于自己辛苦D自己再搞番组织咯。系两个月前我就已经联络西冲该沙滩负责人，俾订金预留左十二小木屋啦。

就系依种行两步就可以到海滩的海边度假小木屋啦。（以上依间系本人当天所住的）依种小木屋异常抢手，如果系黄金周同埋节假日，真系唔提前一个月落订就会无啦。入面基本上设施都好齐全的。今次我地一共出行人数系：坐大巴有44人，自驾车去有8人。我一共包左距大部份海边度小屋啦。一共有十二间小木屋，三间中木屋，同埋两间大组合板屋。
           先讲下小木屋同埋中木屋，仲有组合板屋有乜野唔同先。其实讲真，小木屋真系好迷你。入面基本上都好齐全，两张1。2米床，有独立洗手间，有冷热水器，拖鞋，毛巾，牙刷甘都有的。每个木屋都有一台电视同埋空调，仲有电蚊液添。木屋正对住就系西冲海景啦，果海真系近到你行落去就到了，非常之接近大海的感觉。而中木屋就系一张1。2米床同埋一张1。5米床啦，其它设施一样。不过好明显就系新制的木屋，入面装修比小木屋好少少咯。仲有系厕所系座厕黎。最后有一种就系组合板屋啦，如果有睇到汶川果D救济屋就知乜野系组合板屋啦，不过我睇过，比我想象中好好多。好干净，好大，入面含两张1。5米大床。各方面都系好好的。当然小木屋同埋中屋的价钱系唔一样啦。

         屋就搞掂左啦，跟住就租车啦，开始我提前一个月问价，价位都无甘高的，点知临近出发前半个月，居然全部租车公司升晒价钱，仲要升得好高添。好彩有一个群内朋友介绍，终于租左一部价钱好满意的大巴车。真系非常开心。跟住就要着手买出游团体保险啦，我上次去沙扒时系跟旅社车的，所以就旅社包埋买保险，4蚊一人二日险。今次自己组织，原来想买份4蚊团体险唔系甘简单的，旅社唔帮买，保险公司唔受理个人的。只能托小型旅社，但都要收取服务费，计下条数，又超支啦，唔得，我再继续稳。结果有个好心人帮左我买到我理想中4蚊二日团体险，开心ing！！费用无超支，因为租车果方面，悭左少少钱。我就托开自驾车朋友帮手买左五箱饮料，仲托一位同车朋友买左一箱哈密瓜同埋一大袋蜜柚。因为要准备带去西冲晚上烧烤用的。跟住我仲去买小朋友玩的中秋灯笼仔添，可以晚上在沙滩上玩。组织经费用得七七八八啦。但大家玩得开心，无乜所谓啦。
          一切都搞掂晒啦，家阵就等出发。

[ 本帖最后由 cici1590 于 2010-10-16 10:59 编辑 ]

cici1590

9-23中秋深圳西冲赏月之旅(第一日)
              因为一共有十几个家庭参加，禅城区同埋桂城都有，所以我就设左两个上车点，一个系季华东建世纪广场KFC门口处，一个系南海广场对面的公交车站上车。大家都好准时甘到达上车点，我地如期顺利出发去西冲啦。

大巴好新，设施都好齐全下。何司机仲放电影俾我地睇添，大巴中段仲有屏幕可以供大家睇添。

佛山——广州——东莞——深圳——南澳——西冲，好快就睇到西冲的标牌啦。去到都中午啦，系时候要医下果肚仔啦，因为我地要早少少时间去海滩取房匙，所以我一早就联系一间餐厅订左五围围餐。于是我叫司机将大巴使去大鹏水头海鲜街。

        系深圳西冲有两条好有名海鲜街，一条系水头海鲜街，一条系叫南澳海鲜街，模式都系一样的，一边系卖新鲜海鲜，而另一边系大排档，可以帮加工海鲜的。但想去的朋友一定留心，卖海鲜时一定要问清楚实际价钱，好多时，你要拣海鲜，对方讲都唔讲就即刻捞起放袋了。不过情形就比闸波好好多。只要你话唔要，距都会放番落水的。买左海鲜当然就要去加工啦。对面就系大排档啦，有好多食店拉客人入去加工的。一定要先问清楚加工费先好入去加工，因为间间食店加工费各有不同，距地一般讲得好含糊不清的，只想拉你入去店加工的。因为我地到水头海鲜街已经系十二点啦，所以就唔各自买海鲜加工啦，就直接食围餐啦。

         我订的围餐系二百几蚊一围，八菜一汤，白饭任装，免菜位费。我仲每围台叫一支冰冻可乐添。老实讲，D菜色对得起果价钱啦，唔算太差又唔算话太好甘，只要自己要求唔高就得啦。因为我地要快D去到海边玩。甘大家好快就医饱左果肚啦。跟住往海滩方向行使啦。
          去到海边小木屋区，我即刻快快手甘去办理住房登记。办好后，就分配房匙俾各位家庭。大家第一次见D小木屋都好特别。有D似个人木屋“别墅”甘。虽然细细间甘，但系五脏齐全。好快大家分别入房换衫准备去美丽西冲海玩啦。

         因为之前台风过后，我地23号下午到海滩时，天气都系属于多云，无乜紫外线的。所以大家都好适服，唔会话因为阳光太晒搞到玩乐无心机。可惜我唔方便下水，搞到要同行朋友带果囡囡去冲浪。不过都好，可以有好多机会帮瀛瀛影相。

      接近五点几时的西冲海滩,远处系情人岛，我地打算第二日坐大飞去上岛玩，顺便网鱼。海浪慢慢上潮，我地都分别番自己木屋仔准备好晚上的烧烤节目啦。

       到左烧烤晚会啦！我地小木屋一出黎就系烧烤棚，好方便，系提前出发一日，我已经将烧烤人数交俾负责人啦，系西冲果度，每人烧烤费为25蚊一人，有埋食材提供啦，每八个人就有一个烧烤炉添。每人烧烤食材的（鸡比一只、猪扒两块、鸡翼一只、鸡肉肠一条，烧烤肠一条、什丸三粒、玉米一个、青椒一个、茄瓜一只、仲有韭菜添）系出发前我都买定两包鸡肉肠去的。今次经费可以悭左少少，我罗埋出黎叫同行朋友买左五箱饮料，四个哈蜜瓜，六个蜜柚。甘样大家可以食得丰富D啦。系依度好多谢帮我手买水果同埋饮料朋友们。仲有特别多谢桂城轩妈。距自己自驾车一齐黎同埋我地玩的。自己仲买左好多小朋友好钟意零食去添。真系唔话得啦。

        小朋友手上果D就系我今次自己准备俾小朋友中秋节礼物。系用LED灯的中秋灯笼仔。有三个款色呀，分别系叮当、海绵宝宝、KITTY猫。系中秋前，天气一直唔好，我都系临近中秋先去买的，好多都无晒依种啦，放蜡烛就有好多种，但LED灯就好少啦，俾人订晒啦。我好辛苦先罗到番黎。大家小朋友玩得好开心！到最后，剩番好多玉米未烧呀，我地问左负责人罗左一个锅，将全部人果D玉米放晒入去煲熟晒。再将熟左玉米派俾其它人。

好宁静的西冲夜景。晚上海风吹过。好清爽感觉。晚上任何时候都可以走出去走走的。

[ 本帖最后由 cici1590 于 2010-9-28 08:41 编辑 ]

cici1590

9-23中秋深圳西冲赏月之旅(第二日)
               早上七点钟，我系木屋床上就听见出面已经有人出去海滩上玩啦，瀛瀛仲系床上大觉训。我就已经起身准备好事前带过黎的合味道杯面，跟住用木屋果D煲水瓶煲紧热水。其实系四号沙滩海边系有海边餐厅的。但事前我了解过，果度消费都唔平。特别系早餐方面。可以讲超贵。一盆白粥要20蚊，一碟普通炒粉要几十大元，所以我自己带左一杯杯面同埋一杯BB面过去啦。搞掂晒啦，瀛瀛都自己跟住起身啦。我地罗住我地的早餐行出去，就系寻晚烧烤果度，就已经发现有部份人坐左系度一边吹住海风一边食紧自带早餐啦。我地都霸番果靓位食早餐先。

24号早上天气相当唔错。太阳都出埋黎添。同寻日相对比，好明显睇到深蓝色海水同埋雪白色浪花。海风吹过黎好清爽。
        按照原计划打算第二日早上大家一齐坐大飞去对面果个情人岛，上岛玩下的。同负责人倾下价钱。我地想体验下网下鱼的情况。就要求出海前散网，回程时收网。虽然都知道鱼获都唔多啦，但小朋友未睇过网鱼情况，就当体验下啦，价钱相对黎讲唔算贵。距开价180蚊一艇，上岛兼网鱼。我还距价150蚊交易，艇上有六个位。但小朋友，我地都抱住左，我地一只艇一共大细加埋9个人，未加开艇果位人兄。

我地系第一批上岛的，大家准备好啦，着埋救生衣，准备“坐大飞，着草”啦。

一般小朋友大人抱住都唔会话唔安全的。瀛瀛第一次坐大飞的。

回程时，收网。睇黎鱼获都还算可以的。收网时期间走左几条鱼添。可惜！

系海中央。海水好深蓝。一D都无俾污染的感觉。
[localimg=525,700]1[/localimg]

系情人岛上留影,有着西冲标志的石头.

[ 本帖最后由 cici1590 于 2010-9-28 16:57 编辑 ]

笑笑的MOTHER

坐沙发等

gigiqi

我端午去迟左，住左你后边那一排木屋，不过都望到海，哈哈！

天天关心

慢慢睇

racyny

瀛瀛妈咪，每次你组织的亲子游都好好啊，每次看到都使人好有欲望啊。赞赞。。。等着下半部分

皓皓妈咪宝贝

等图，听说东冲更漂亮。

晨妃

请问住的小木屋是多少钱一晚啊？

cici1590

   

原帖由 晨妃 于 2010-9-26 11:03 发表
请问住的小木屋是多少钱一晚啊？

我地系住四号沙滩入口的海边小木屋,距系分平日价钱同埋节日价钱的,我地中秋价钱,小木屋就300蚊一间,其它屋就350蚊一间.算系比其它沙滩入口价钱平左D啦.如果系平日周末就250蚊一间就得啦,如果系平日去仲平,150蚊就有得交易.

cici1590

情人岛上的水质好清，清到见到石头的。

系情人岛上“西冲”两字标志石头。留影一番先。

瀛瀛系度扔紧石仔。

坐番大飞番回西冲海滩，因为天气问题，比前一日多去好左好多。所以好多人都好享受紧阳光同埋海滩。

大家玩到差唔十二点时，大家都准备好行李，准备通房上大巴返回佛山了。大家都系自己住过一晚的小木屋留影。
          中午退房后，我地跟住坐上大巴车途经水头海鲜街食中午饭啦。
今次回程，我地不选择食围餐啦，因为时间比较上充足。所以我地就自行解决食饭问题，自己各自组织去买海鲜加工啦。

      系水头果边D海鲜超靓，价钱都唔算好贵，有D仲平过沙扒。不过去餐厅加工费系另外计算的。每一档的海鲜肥美。真系睇见都流口水啦。我地六大两小就只买左蟹、花螺（此花螺超靓，好清甜，肉质唔错）、沙蛤、赖尿虾，仲有我地之前出海网番黎果D鱼一齐罗去加工。
       其实西冲果边餐厅加工费相当于海鲜价差唔多。白灼一般五蚊，清蒸同埋炒都要15蚊至18蚊度。盐水居然要成20蚊，再有其它煮法另计。我地买海鲜先188蚊，系加工餐厅埋单都要120蚊（我地再叫炒两碟清菜的，我地去番去程食围餐果个餐厅加工，距都有打一个折头俾我地）都唔好睇少D加工费的。不过讲真，味道真系好食过沙扒，沙扒海鲜系好平，但烹饪太差啦，有时觉得浪费左D海鲜。但西冲就唔同。将D海鲜煮得好好食。不过价钱当然无沙扒甘平啦。一分钱一分货咯。

我的午餐，炒蟹炒得好好食。真系几正下！我下年都会再去多一次西冲玩的。

食完饭，我们到海鲜街逛逛，沿路见到有人晒紧咸鱼。两点后就上车返回佛山啦。


[ 本帖最后由 cici1590 于 2010-10-16 11:04 编辑 ]

cici1590

无人睇呀?无心机!

nn1126

我来顶了，不错哦！西冲其实真的很值得去玩的哦！你去的大鹏海鲜一条街吃的围餐是我之前给你的那间吗？

cici1590

   

原帖由 nn1126 于 2010-9-26 20:56 发表
我来顶了，不错哦！西冲其实真的很值得去玩的哦！你去的大鹏海鲜一条街吃的围餐是我之前给你的那间吗？

对，谢谢你。很好。不过讲真，果度海鲜加工费真系几贵下，不过海鲜就好新鲜。

cici1590

仲有好多野我未上传的，唔好沉呀

开心女人

楼主能否把你们租住小木屋的联系人和电话号码给我啊？

cici1590

   

原帖由 开心女人 于 2010-9-27 10:34 发表
楼主能否把你们租住小木屋的联系人和电话号码给我啊？

已短你。

cici1590

自己顶下啦.

cici1590

今早入黎顶下先!

tiffany1688520

嘻嘻，帮顶