tmzj

楼主是不是天天去买送的啊？还是一买买几天放冰箱？仲有听说老火汤饮得多没益，你点认为的？

茹茹姐姐

点解焖第一次后又要将牛肉煎到金黄，？

胡迪警长

回复 tmzj 的帖子

我唔系日日买菜架，不过会隔日去市场睇睇有咩添加甘咯。关于老火靓汤呢，绝对唔好日日饮啦。所以我从来唔用瓦煲煤气炉煲汤，用依立电子瓦煲，通常冻水落料，到煲好保温大概1小时15分，时间最好。绝对唔推荐煲个种2－3小时，甚至更长时间既老火汤，煲得越耐嘌呤越多导致人体尿酸过高，引起以后痛风病症。

胡迪警长

回复 茹茹姐姐 的帖子

第一次只叫将牛肉煮淋，唔叫焖。焖之前将肉类煎下会保存肉质肉香，可以话保持造型，唔会系焖既过程中导致肉质过烂。好似鱼类，如果要焖或者煲汤，我地都要煎煎，就系甘既原理。

爱文玲

回复 胡迪警长 的帖子

警长你赞我啊 我会唔好意思噢
不过太杰 弄巧成拙咯
下次试试你种方法，莲藕用沙姜好味咩？我屋企一般沙姜爱来食鸡噶

ashesqingqing

好贴，菜式不仅美味，而且非常有爱。强烈建议开电梯。

胡迪警长

回复 爱文玲 的帖子

沙姜白切莲藕乃湛江菜经典也，去到d湛江鸡饭店呢，点个白切莲藕就黎碟沙姜酱油俾你点架啦。

布朗尼

碟虾好有创意，大酒楼都不如你，佩服！

胡迪警长

11月7日，今日好懒无煲汤。
买左2棵矮脚芥菜，刨2旧蕃薯就滚啖汤饮算啦。


酸梅荞头蒸排骨，呢个排骨酸酸甜甜好过瘾


酸梅3粒去核，加豆是酱蒜蓉搅拌成糊，加油同豆粉同排骨一齐拌匀，蒸前切几粒酸荞头放面。


大豆芽炒肉松，小朋友送饭一流


全家福

大头天使

我觉得警长懒了～～～  希望你能坚持下去更新，不要有天失踪了就好！哎！

jjban

太好嘞。
我以后可以使为两餐吃乜野头痛嘞。。。。

胡迪警长

回复 大头天使 的帖子

v68警长呢排有新任务，我想系新年前改造整个厨房。现在白天周围看看厨房建材，寻日睇完宜家家私既厨房，麻麻地。今日再逛百康居睇睇欧派，蓝谷。。。后日再安排睇睇科勒厨房。仲有消毒碗柜，煤气炉，洗菜盘龙头一堆。。。。所以晚上累左就懒得上传照片。不过有你支持我会坚持落去既，一到晚上。。。。我就会记起。。。大头等紧我。。。

我爱小猴子

大豆芽炒肉松细路好中意食嘎

凯琪妈妈

哎呀，我正想睇下警长个厨房系点样添。好咯，等你改造完个厨房，发D相上嚟俾我地睇下啦，好想睇下警长厨房嘅装修风格，一定超正！

胡迪警长

回复 凯琪妈妈 的帖子

我之前有全屋装修既贴，上过首页罗过精华，个度有我厨房准旧照。厨房好细啊，改到镶金都唔会大喇不过我会改到自己用得顺手合理。

胡迪警长

11月8日。是日例汤：红萝卜栗子鲜淮山煲鸡加2粒蜜枣（忘记拍照了）
今日菜式1：卤水鸭翼


今日菜式2：丝瓜木耳炒蛋


今日菜式3：上汤金银蛋娃娃菜


全家福

littlelv

好多花式可以参考呢！！尤其是烧肉，超级赞呀！

爱文玲

   

胡迪警长 发表于 2012-11-7 22:42
11月7日，今日好懒无煲汤。
买左2棵矮脚芥菜，刨2旧蕃薯就滚啖汤饮算啦。

今个礼拜试试个大豆芽炒肉松
请问警长 呢个又系边度噶名菜啊？

胡迪警长

回复 爱文玲 的帖子

极其普通家常菜咋。
材料：瘦肉末150克，大豆芽300克，红萝卜1／4条，酱油，姜汁，蒜蓉，料酒。
做法：
1.瘦肉末（绞肉）用酱油，盐条好味，如果喜欢可以切少许肥猪肉粒（肥猪肉要速冻后切才好切）
2.大豆芽头身摘开，身去尾切成1cm小段，头稍微切碎，红萝卜切碎（和豆芽头差不多大小即可）
3.用个小锅不用油盐，大火稍微烘干豆芽头的水份，盛开备用
4.烧红锅下油炒香蒜蓉，倒入豆芽头和胡萝卜碎炒半熟，再倒入豆芽身赞料酒和姜汁翻炒到5成熟
5.盛起炒到半熟的豆芽头，胡萝卜，豆芽身
6.炒瘦肉末，炒到半熟再把之前材料倒进锅炒匀
7.最后下盐调味即可
ps：如果可能，尽量细心把肉末炒碎一点


由于个种材料混成一齐，所以孩子们只能连菜带肉一齐吃，营养比较均衡。

皓猪妈妈

d豆芽肉松我都整过啦小盆友的确是很喜欢吃的。