开心宝马BB

   

　　hi，楼主正在参加“记录分娩点滴，生产记征集”活动！恭喜妈妈顺利升级！养育好宝宝成为你的新使命，赶快到育儿版报到吧！找找同生缘宝宝！点击链接立即报到！

    当知道自己有左之后，综合身边噶朋友介绍，我将产检、生产噶医院定左系中山大学附属一院。宜家回想起来，真系无拣错医院，好似我甘情况噶，换转系第间医院真系唔知会发生咩情况··
    同大家分享下我噶生产经历啦。本身预产期系2.23，我真系誓估唔到1.31就生啦。（讲真我噶预产期真令我头疼，末次月经系4月尾，照甘推算我噶预产期应该系2.5左右，点知照左两次B超，医生将我噶预产期推到2.23。搞到老公经常讲我噶怀孕时间特别漫长，盼到距就变长颈鹿甘上下喔~~但生仔黎家野真系好难讲，年初七1.29家婆同老公都讲初八1.30去产检问下教授我可唔可以提早入院，点知道初八1.30产检噶时候，量左三次血压都显示偏高，护士仲优先将我带入去比教授睇先，教授一睇我噶情况立即同我讲要入院观察（当时先讲BB入左小小盘），就系甘我同老公商量过后就交钱入院啦。（哈哈，讲D小插曲，我家婆好小出来广州唔系好识路，我居然仲大胆到带左距翻屋企先，自己翻去执好D野一个人胆粗粗甘翻医院报到，其实我好怕寂寞唔中意住医院架，心仲系度霖，甘早入院观察都唔知道住到几时先出院）。翻到医院10楼待产区比D医生护士罗住我噶档案系我身边系甘转，距地真系好尽责甘将我噶情况同风险一样一样甘列出黎，逐一逐一甘同我分析，仲要求我老公明日一定要系下午5.30前签名。。。下半夜，我成日觉得好急好急甘，当时无林过自己甘早生，所以就理都唔理，一直忍到早上护士黎同我抽血，我先冲去厕所林住大大，但好奇怪居然坐左成半个钟都无反应。突然间我发现自己底裤有D红，果时先意识到自己见红。甘岩果时我家婆比电话我，问我点样？我照实甘同距讲，家婆就叫我五好在蹲厕所，话果D系作动啦。我就好听话甘翻病床坐系度，唔知道系咪心作用，听家婆讲完之后，我觉得自己噶宫缩明显左拉，8分钟痛一次，痛左半个钟就转成5分钟3分钟甘痛啦。老公比电话黎我仲好轻松甘同距讲叫距放工一定要快D黎签名。后尾我居然忍住痛过左成个钟先同护士讲，护士仲摸摸我肚皮讲仲话好软，未生得住。再过左10分钟，个负责护士帮我绑胎监带，距睇住我D宫缩，突然间我感觉一股水冲出黎，我同距讲，护士我系咪破水啊，个护士一见到甘噶情况叫左D医生过黎，医生一过黎，系我下边整几整，好紧张甘同D护士讲，快准备过床，32床已经宫口全开，见到BB噶头啦。。我一听到简直想晕啊，心林点解甘快，拿拿声甘罗起电话打比老公，同距讲我破水快生啦。。。就系甘，我比D整哩样整下果样，唔使一阵时间就比距地推左上去11楼产房啦。入到产房连同我总共三个孕妇系度，隔离果两个系度直甘叫，听到我都心都寒埋，同肚入边噶BB讲：猪B，你要乖乖听话啊，唔好系入边玩啦，快快出黎同妈妈见面啦。护士将我推去最入边，叫我自己训上果张产床，我岩训上去，D护士就系甘系我身上绑仪器啦，岩绑好，我就同医生讲我好想大便，医生就话想就出力啦，当医生去着唔知道咩袍果阵，我又讲第二次话想大大，医生一望翻过黎就马上同我讲，唔好出力住，BB个头出左黎啦，甘我米听话唔出力咯，点知我都无用力架啦，个猪B急住甘出埋黎，好在个医生系翻我身边渣，搞到个医生连着果件袍都系另一个医生帮距着噶。就系甘，我入产房唔使二十分钟就甘生左拉···医生帮BB清理果阵仲话BB懒唔肯喊，打左两下先哇哇甘喊，听住BB噶喊声，我好感动啊，无林过甘就做左人地啊妈啦。当护士抱住BB过黎问我生左咩噶时候，我认真甘由头到尾望左下，先答距地话我生左个仔。个B仔好轻啊，先得4.4斤，我仲林住点轻都应该会有5斤啊。讲真，我觉得生仔仲无缝针甘痛，唔知系咪我BB锡我，快出黎噶原因呢。监察途中，D医生护士成日问我系第几胎，仲个个都赞我醒，甘快手就生左出黎。。。缝针后监察左两个钟我比距地推翻去病房啦，见到老公，家婆，妹，朋友个个系度等我出来，好感动生完之后感觉好肚饿啊，由琴晚10点到生完监察完成点啦，我一D野都未入过肚，我立即同D护士讲放我老公入黎比野我吃。。。从来都未感觉到个老公甘温柔架，距见到我果阵捉实我只手讲左句：辛苦啦，之后一啖一啖饭甘喂我.住左四日医院，就同我噶心肝宝贝猪B出院翻番禺做月子啦！
    讲讲我噶费用啦：
    四日顺产大人3782.23元，生育记账3478.63元，个人支付303.6元
    BB总费用740.36元
    待产包（大人）100元，BB用品100元（4包黄帮18片，强生湿巾，手抽纸巾各一包）
    护工费3天*50元一天=150元（第四日中午就走D护工阿姨无收啦）

moneymm

恭喜晒，好精彩，我也期待紧我的BB出世个一刻

小龙~~

恭喜楼主！！楼主很顺利哦！！

开心宝马BB

回复 moneymm 的帖子

恩恩，我都估唔到咯，祝你顺利~~~

开心宝马BB

回复 小龙~~ 的帖子

BB真的很疼我，由痛到生只系用左两个几钟~~~但系现在距就唔疼妈妈啦，唔肯跟我，呜呜~~~成日都跟麻麻！

乌蝇仔老婆仔

恭喜恭喜，好顺利喔，真希望我BB到时也这么配合

乌蝇仔老婆仔

恭喜恭喜，好顺利喔，真希望我BB到时也这么配合

开心宝马BB

回复 乌蝇仔老婆仔 的帖子

宜家好好同距沟通沟通啦~~~

文文=蛇蛇

LZ既幸运又幸福啊，看了你的生产记这么顺利，想起自己真是太倒霉了，我也是宫口开得很快。最掺是用力过度宫颈都裂伤了。但后来宝宝不配和，最后还是拉我去了剖啊，双重罪啊。想起都怕怕！！

开心宝马BB

回复 文文=蛇蛇 的帖子

不是吧，开左都仲要剖啊，不过算啦，最重要系宝宝健康~~~我都可能用力得制啊，虽然无侧切，但要缝好多针啊！！！

连城

恭喜麻麻。麻麻可以去领升级报到荣誉勋章啦。http://www.gzmama.com/thread-2921291-1-1.html

乌蝇仔老婆仔

恭喜恭喜，好顺利喔，真希望我BB到时也这么配合

moneymm

回复 开心宝马BB 的帖子

哈，我都希望好像你甘顺利罗

Angel-攸攸

楼主，你bb得4.4斤啊，甘有无住保温箱咖？点解会甘细呢，实际有无足月吖！

Tansysue

哇，楼主生得都几快下哦~~~恭喜晒~~~

杨子baby

恭喜楼主啦！

开心宝马BB

回复 乌蝇仔老婆仔 的帖子

会的会的

开心宝马BB

回复 moneymm 的帖子

我黎种情况比医生叫做急产啊

开心宝马BB

   

Angel-攸攸 发表于 2012-3-27 10:51
楼主，你bb得4.4斤啊，甘有无住保温箱咖？点解会甘细呢，实际有无足月吖！

恩恩，估唔到啊，可能我陀距果阵唔够营养比距啦，我都唔想吃野甘噶，到后尾7个月先发力~~BB住左12个钟噶保温箱！照医生综合我噶B超预产期足足提前左23日咯！！！