郭小敏0929

话说清帖行动开始之后，我就有计划有预谋有步骤地先清晒D正佳帖，哈哈，呢餐食的时间比较近，就系上星期五的事情，原本嘛，都无谂住中午去食烤肉甘肥腻的，不过嘛，我地忽然谂起无双小编有个招行VS广发的优惠帖，星期五的广发我地一直都只系用系星爸爸身上，好似唔多着数，于是转念一谂，决定去汉拿山睇睇，因为之前同事CK话过要提早预约的，所以本来我地都谂住博下大雾，点知个咨客又话唔洗预定都OK，于是我地就决定食烤肉了。

伊熙朵

块肉好大旧啊！！~~

郭小敏0929

成功入座坐定定之后就开始点菜了，先上的系免费的餐前小吃，小绮仲帮我应佐个销魂南瓜粥GIF，哈哈，模仿时下流行的普通青年，文艺青年同二逼青年食粥，笑爆嘴。

郭小敏0929

打开餐牌都是三十至六十左右的肉类，本来想来个牛肉全食的，但担心牛舌的味道另外两位同事受不了，而且全部食牛好像也很寡，于是我地就决定散点了，点佐猪梅肉，腌制肥牛，鸡腿肉，培根金针菇同埋蔬菜拼盘，因为大家都中意食茄子，所以再加多个茄子添，三个女仔食甘多野，哈哈。

郭小敏0929

回复 伊熙朵 的帖子

MM插楼啊，哈哈
距唔单止大块，都好好味添，哈哈哈

郭小敏0929

酱料系自己去点酱台拣的，好似系5蚊一位，烤炉系要开炉费8蚊的，呢D广发卡都无得打折，同埋一D原本已经系优惠套餐里面的菜式都唔可以打折。不过我地今次系散点，所以D菜式全部都可以打折，好抵。

cavinzhao

顶一个，好耐之前试过北京路个间，感觉上都唔错

郭小敏0929

猪梅肉系因为上次睇到karen的帖所以点的，肉质颇厚，烤的时候肉油嗞嗞冒出，香气四溢，厚厚的肉身浑然弥漫着一股“你快来吃我吧”的气息，令人忍不住食指大动..

郭小敏0929

腌制肥牛因为有猪梅肉珠玉在前，所以略显失色。而且肉也不全是肥牛，感觉像普通牛肉较多，肉身较薄，下锅略烤两下锁住肉汁即食是最快捷最美味的食法。

郭小敏0929

鸡腿肉也是已经腌制好的，味道比较辣，带有一点奥尔良鸡翅的那种腌料的感觉，肉质比较爽弹，两位美女同事都好中意。

郭小敏0929

其实我地几个都系比较中意食烤茄子的人，蔬菜拼盘里面既包含茄子，又有西葫芦瓜，红薯，土豆，洋葱等，一盘就有齐晒所需，而且原价好似系24蚊，半价之后系12蚊，真系抵到烂啊！可惜呢，距地呢度无好似江湖烤肉甘另外比D油我地，面头黄色果D又唔多似油，加之当我地问D服务员攞油的时候，距地表示个烤锅上面已经扫佐一层油了，已经足够了。但系呢，经过我地实践，发现无油烤出黎的话真系唔好食，好Dry，而且D边边都焦燶晒了，所以极度唔明白点解呢度烤蔬菜唔比油！搞到后来我地要边烤肉，再利用D肉油去烤蔬菜，食到好狼狈。

郭小敏0929

最后的培根金针菇上得好慢，催了几次，因为我地中午食饭时间比较短，所以当碟培根金针菇一上黎的时候，我地都唔理三七二十一了，照放落去一锅熟，乱炒一通，哈哈，完事了再捞上黎重新包好。虽然系甘，但培根本身就已经好香，金针菇又容易吸油，两者天生就系绝配，所以味道唔会差得去边咯。

郭小敏0929

食饱饭仲有雪糕送，椰子味，唔错，冰冰冻够晒解腻啊。最后埋单114蚊，茶位开炉费同酱料费无得打折，感觉星期五的话，值得成为饭堂，不过活动好似到年底就无了，希望长搞喇，哈哈。

wlp

口水滴滴流啦，甘样打五折的话，其实就真系同团购价格差五多啦，不过出品好好多啊，好大块猪颈肉啊，等周五的时候又去试下，晚餐五知有无雪糕送呢？

wlp

散点系米都打五折呢？LZ

bottle-and-sylv

回复 郭小敏0929 的帖子

哇~~哇，好正，口水流啊流

郭小敏0929

回复 wlp 的帖子

雪糕系几时都有的，不过嘛，如果想用广发卡，都系预早打个电话预订稳阵D
五折的确好诱惑啊

郭小敏0929

回复 jennylam79 的帖子

三个人食啊，你无认真睇了，哈哈
好饱啊，其实系有D腻，因为基本上都系肉

郭小敏0929

回复 wlp 的帖子

要星期五，广发卡，最好提早预约，先有5折啊
另外D酱料啊，开炉费啊等等都系正价收取的，无得打折
优惠套餐都唔可以打折，我地就系散点的，不过觉得几OK啊，甘多先114蚊